القصيدة التي أثارت غضب بنات الخليج

[الدكتور مناحي]

القصيدة التي أثارت غضب بنات الخليج ونشرت في مجلة فواصل:


[poet font="Arial,5,black,normal,normal" bkcolor="transparent" bkimage="backgrounds/6.gif" border="groove,5,gray" type=0 line=200% align=center use=ex length=0 char="" num="0,black" filter="":b26f336aa7]
القصيده
-
ياللي تنشّد عن علوم الذي طاف = كل البحور وكل دولة وديرة
خذ من علومي علم أوصافه أوصاف =جزلٍ سمين يشتعل له سعيره
الزين عقب المغربيات ينعاف =غيدٍ لهن بالزين ذكره وسيره
فيهن حلا طاغي ولين وتعطاف = وفيهن حنانٍ يشعل القلب غيره
حلوات وصف وفاهماتٍ بالاعراف = زينات منطق صافيات السريرة
بنات قومٍ طيبهم غصب ينشاف = اولاد مغرب بالليالي العسيرة
ياللي تنشّد عن علومي بالانصاف = هرجي يكفي صامله عن كثيره
الزين في لميا وتغريد والطاف = ماهوب في حصة وكشرة منيرة

والرد عليها
-
قال الذي في بدع الأمثال صرّاف = جزلٍ يفرق بين درهم وليره
ياللي مدحت المغربيات بجحاف = الله يجيرك من عماة البصيرة
لو تعجبك لميا وتغريد والطاف = مايصلحن لهل الوجيه السفيره
مفصخات ولبسهم حول الارداف = وبليس أغواهم بكشف الستيرة
متعوداتٍ كلهم زيف وخفاف = على التغنج والتعطف وغيره
كل يوم مع صاحب ولافيهم أعفاف = خويّهم اللي فلوسه كثيره
ترى البضايع عدة أشكال واصناف = وكلٍ ينوخ وسط سوقه بعيره
عز الله ان الطيب في بنت الاشراف = اللي على الحشمه تربّت صغيره
ولا تبيّن منّها كود الاطراف = مثل القماشه فالبحور الغزيرة
ياللي تدوّر بالجواهر والاصداف = الزين كله في بنات الجزيرة
[/poet:b26f336aa7]

[محسن المسردي]

[align=center:fc9c667f27]أبو خالد
.
.
.
اختيار موفق وتشكر عليه
.
.
.
والبيت هذا هو ابلغ رد على القصيدة كامله

ترى البضايع عدة أشكـال واصنـاف
..............................وكــلٍ يـنـوخ وســط سـوقــه بـعـيـره
.
.
.
تحياتي،،،
.
.[/align:fc9c667f27]

[ناصر بن سالم]

مشكور ابو خالد ........ومنهو غير الدكتور اللي يقدر يجرح ويداوي


من الشام للمغرب على حد الاطراف=يا علّهم فدوه لحذوة منيره

[الرباع]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter="":36c2d9d93b]
ابو خالد الله لايهينك


على هذا النقل الموفق

والقصيدتين رائعه

وما فيه احلى من بنت الجزيرة
[/poet:36c2d9d93b]