اخيرا

[زمان يافن]

بسم الله الرحمن الرحيم

السلام عليكم ورحمة الله وبركاته








اخيرا وبعد معاناة طويله لاهالي جاش

تحقق طلب من المتطلبات الضروريه بجاش

تم وضع صراف راجحي ..علي الخط السريع

في محطة اللواء / حمد بن عيد المسردي

واحببت ان انقل لكم هالخبر المفرح للجميع

[ناصر بن هذال]

مبروووك.
وياليت تحط لنا صور المحطه الجديده.

[هذال آل الشوافه]

مشكور على الخبر الطيب وعقبال تكون في وسط جاش قريبا يارب

[ادمنت انفاسك]

سلمت يمناكـ ع النقل المميز

[الصريح]

شكرا لك
على نقل الصوره يا بن هرسان
ونشكر اللواء بن هرسان على توفير الخدمه

اطيب المنى,

[أبو الطيب]

بشر آل مهدي واللي حولها من المسارده والله يرزق ابو عيد هو المستفيد اول وآخر
انا من آل مبارك ولا الروضه اقربلي تثليث وصرافاته من ذا الصرافه اللي دون الحمضه
الصرافه اللي تخدمنا اذا رجعنا للحقيقه تكون داخل البلد عند مركز ذا الاماره الميت اللي كنه سكن عزوبيه
لاكن جاش ميت وحظه ميت معى نفوس ذا العالم التعبانه(يا اخوي شف الصبيخه معى التكاتف وتوحيد المطالب ووقفة الرجال اللي يهمها سمعتها ورفع مستوى ديارها كيف صارت جميع الخدمات كلها فيها ماهو بحنا وشيوخنا اللي ماهمها الا تفرقتنا وشتات راينا ولا همهم الا الختم لو على عجوز وعنزين
اخوي لا هنت على كل حال على ذا الخبر اللي يفرحنا على حد طموحنا وأمانينا

[الصريح]

بشر آل مهدي واللي حولها من المسارده والله يرزق ابو عيد هو المستفيد اول وآخر
انا من آل مبارك ولا الروضه اقربلي تثليث وصرافاته من ذا الصرافه اللي دون الحمضه

الرازق في السما والحاسد في الارض
لو كان الصراف في محطه معجب هل سنقرا هذا الكلام ام سنسمع من المديح مايصمخ المسامع .
الحين صارت الحمضه سبحان الله
تتكلم عن التكاتف وتناقض نفسك في سياق حديثك
تقبل مروري ولك مني

اطيب المنى,

[الأمير السنافي]

	التفاؤل من الصفحات الرئيسيه لأي شخصية ناجحه ؛فالتفاؤل يزرع الأمل ،ويعمق الثقه بالنفس ،ويحفز على النشاط والعمل والتفاؤل ما هو الا تعبير صادق عن الرؤيه الأيجابيه للحياة، فالمتفائل ينظر الى الحياه بأمل وايجابيه وما اروعها من عباره التي تقول تفائلوا بالخير تجدوه الف ميروك وماشالله تبارك الله أن شالله نشوف في جاش مرافق حكومية يستفيد منها الجميع واشكرك على هذا الخبر السعيد لنا جميع شكرا يا أخي الفاضل زمان يافن مع تحياتي للجميع بالتوفيق

[أبو الطيب]

ضلمتني يا الصريح الله يسامحك
خلاص نحطها عند محطة شافي داخل البلد وحول مزكز الاماره وأمن لها من اهل الشاصات اللي بيحولون عليها من وراها يا الصريح