هذه القصيده للشاعر/شايع بن هزاع الوعيل= اهداء /للشيح/ محمدبن شارع بن شري .
======================================================
تكفون ياهل المانيا لا تخـــلون = علم بعالم طبكم تاجدونه
وتزودو من عالم الـطـــب تكفون = من الدول والجهدلا تذخرونه
داوو مريض عنـدكم لـــو تــدرون = منهو ومنهو منه قمتم بعونه
شيخ ولد شيــخ من الكــاف لنون = محمد ولد شارع فعوله تصونه
ريف الضيف الي من البعد يلفون = دايم وعطران الشوارب يجونه
أهو الكريم الي بهل جاش مفتون = أيحبهم والله وهـــم يعشقونه
ربعه لمنهم جـــوه لا بــد يبطون = في مجلسه والوقت ما يحسبونه
الوجه يضحك والسوالف لها لون = وأطيب من الوان السواليف لونه
داوو مريض له ربـــوع يعـانون = بعده ولاهــم قادرين يجــــونه
خمسين يوم اســـــود بالتلفــون = أمكالمات وقعــها صــار دونـــه
فتكفون ثم تكفون تكفون تكـفون = داوو مريض عندكـــم يذكرونــه
وسوو اجتماع للأطباء وقانـــون = ملا يعـــرف أبعلتــه تفصلونـــه
فنكان طب ألمانيا ماله أعيونــه = يصدر قرار ثاني أ و تقطعونـــه
لا عاد لايدرس ولاعاد له شون = ومن المناهـــــج كلـــها تمنعونـه
وختامها يالله يا خالق الكـون = انت الطبيب أوعالم طب كونـــه
أنك تــرده غانم سالم الهـون = لللابه ألي من مشاء يحتــرونــه
[/QUOTE][/poem][/poem][/poem][/poem][/QUOTE][/poem]