ادفع عليها ضرايب

[عبدالله المشعلي]

لا تسـألـونـي عـن غـيـابـي الـيـا غـبـت
انـا عـــن الاحــــداث مــانــي بـغــايــب

شـرقت ف الارض العـريضـه وغـربـت
لــكــن الـيـا غــربـت جـبـت الـغـــرايـب

ما جـابـوا اهـل التجـربه مـثـل ما جـبت
يا مطوّل الغـيـبـات .. ويش انت جـايـب

جـبت الي من عـقـبهـا تـبت واضـربت
تـجـــاربٍ ادفـــع عــلــهـــا ضــــرايـب

مـن كـثـر ما اصـدق تـجـريت ما هـبـت
والـوقـت فرصه .. والمـراجـل وهـايـب

قـال الـمثـل: تبغـى الاحـد قـدّم السـبت
وكـم فــزعـةٍ مـا مـن وراهــا كـسـايـب

كم صبت ثم اخطيت واخطيت ثم صبت
ولا كــل ما قــالــوا بـالامـثـال صــايـب

عبد الله المشعلي
عام (1440)