محاورة بين عايض بن حيبان ومناحي معدي

[مناحي معدي المسردي]

سلام ياعايض ولد حيبان والدنيا عبر= اما توقع الاوله ولا تطير الثانيه
اترك حجر يا صاحبي واحذف حجر واقلب حجر = فكر وقدر والرشاء من فوق متن السانية

[أبو محمد]

يامرحبا والله يحييكم تحيات المطر = قبل السوالف في اليدين الهادمه والبانيه
عندك خبر لكن مدري ويش عندك من خبر=يامطّوع الرحمن والدنيا باهلها فانيه

[مناحي معدي المسردي]

انته معك وجهة نظر وانا معي وجهة نظر = اللي يضيع حجة بيده هو الغلطانيه
يا بو محمد ما نسير الا على نور القمر = واليا غبي نور القمر بسم الله الرحمانيه

[أبو محمد]

قال المثل ياصاحبي ما طال من شي(ن)قصر =يمكن تضيع حقوق ذو القربى وحق العانيه
واللي يمصون العجم ما هم بيعطون التمر=الله يحاسب من جعلها من وراء العدوانيه

[مناحي معدي المسردي]

الله يثبتنا على الدرب الصحيح المعتبر= للطيبين حقوق وانت تعلم العربانيه
بغت تضيع السالفة من بيننا والله ستر = لكن صح الله لسانك ياولد حيبانيه

[أبو محمد]

ما فيه شك والنوايا كلها عز وقدر=والثقل بالميزان لكن وينهو الميزانيه
شعيل با قي ما ردعه الطلي من فوق الوبر =خاين وجاء في ساقته كم بلحط خوانيه

[مناحي معدي المسردي]

انته وراء الخط الحمر ولا على الخط الحمر = الوضع عادي وانت لا راضي ولا زعلانيه
خل العرب تاخذ وتعطي في الحقايق والصور = اللي يعلكون السوالف مثل علك البانيه

[أبو محمد]

عسى عيونك سالمه ماصابها قصر النظر=انكان مافيها (قصر) عندك عمى الالوانيه
وش قال مندوب الخليفه بعد ما جاء في مصر = ياطير شلوى نعرف الفاضي من المليانيه

[مناحي معدي المسردي]

ما عند رعيان المعيز يكون رعيان البقر = وكل السوالف في مجالسهم عن الرعيانيه
وام الديوس محينه والناس ذابحها الفقر = واليا ذبحك الجوع فاحلب ناقة اليتمانيه

[أبو محمد]

وش ذا السوالف والردود اللي لها بطن وظهر=وش ذا التواضع والوفاء والرقه المتفانيه
ماكنت احسب انك تحب اجواء الحضاره والحضر =اثرك مع اصحاب الحضاره تطمر الجرفانيه