اقرب يا بن حيبان

[خالد بن معدي]

ياعايض بعد ما رفرفت خضر الأعلام = ترى الحكم لله ثم لأخوان نوره
بعد ما اختفى نور القمر عدة أيام = سرى البارحه صاحبك في نور نوره

[أبو محمد]

ياخالد بعد مانعم على الناس الاسلام = تغيّر من الواقع ثمانين صوره
ولصار لك درع (ن) يوّقيك وحزام =فلا تترك المغرور يتبع غروره

[خالد بن معدي]

ضعوف ( ن) تعذر بالضروره والأحكام = على غير حق وداعي (ن) للضروره
وهم من تسبب فالتغطرس والأجرام = يبوقون حق المسلم بدون شوره

[أبو محمد]

من اخطاء السنع يشنق مثل شنق صدام =ولابد ماينهى مقامه ودوره
وراعي البوق محصوله مناقيد واثام =ولا يمكن الوافين تدمح قصوره

[خالد بن معدي]

انا معك في ردع الحقودين مقدام = ونفسي على سمعة وطنا غيوره
لعل القضاه تعجل بحكم الإعدام = على كل بواق(ن) تمادت شروره

[أبو محمد]

اقول انت طيبك ماهو اليوم والعام =على الطيب شبل وافيات شبوره
تقوله وانا عندي تفاسير الاحلام = عسى زلتك عند الولي امففوره

[خالد بن معدي]

مصب السوالف خدمة الصالح العام = وكل العلوم مترجمه ومخبوره
ترى مشكلتنا كلنا حرب الاعلام = يهدم بيوت (ن) ساتره ومعموره

[أبو محمد]

على حد علمي معك نوطين ووسام =على دورك اللي ما يخفى ظهوره
هذا واقع (ن)في الشرق والغرب والشام=ولابه مفر من ملاقات جوره

[خالد بن معدي]

خذيت لك خمس انواط وافنيت الأرقام = وانا لي على الأوضاع لفه ودوره
حد(ن) قام له حظ وحد(ن) ما بعد قام = يابعد الحفر لا صرت تبغى شروره

[أبو محمد]

كلامك صحيح وصدق يانسل الاكرام=وعلى كل وضع (ن) لف واجبر كسوره
صحيح الحظوظ تحط سيّد وخدام =ومن بينها لك وقفتين محضوره