بسم الله الرحمن الرحيم
والصلاة والسلام على خاتم المرسلين نبينا محمد عليه أفضل الصلاة وأزكى التسليم
بلا شك غالبيتنا يعرف أو متابع لبرنامج قلطة الوطن الذي يشارك فيه أخونا عايض بن مناحي بن الأشدق المسردي
الله يبيض وجهه على ما قدم للمنافسة ومشاركته التي خصت قضية محمد بن عبدالله .
كان خصم عايض الليلة هو منور المعمري الحربي وصراحة كانت مواجهتهم الليلة لها طعم خاص.
أترككم مع المحاورة
عايض:
سلام ياآل الصباح شيوخ هدلان=من عقب ما جيت من نجد العذيه
وإن كان منور ما يصفي بعض الأحيان= والله ما يلقى الكدر وأنا خويه
******
المعمري:
يا مرحبا في محل طوال الأيمان =ما للتحية جزا غير التحيه
اللي يمثل قبيلة مثل قحطان=ما يبتلش بالعلوم الداخليه
******
عايض:
تبقى ونبقى وحنا ربع وإخوان=واللي يحب الوفا يا حي حيه
صدقت وأنا من اللي فعلهم بان=من عهد ذيك العصور الجاهليه
******
المعمري:
يا عايض العلم له مبدا و عنوان=كانك قريت الحروف الأبجديه
ماذمكم لا حصل بالجو دخان=يالراعي اللي مكلف بالرعيّه
******
عايض:
أنا يامنور لا شفت الحاجز حصان=دايم عزومي على خصمي قويه
وأنتم بلا شك لا جا الحرب شجعان=يا حرب يأهل الوفا وأهل الحميه
******
المعمري:
كانك حصان جموح إحسب من الآن=ما باقي إلا تعدا الجاذبيه
يا عايض اللي يخفا غصب ينبان=والوسم واضح على جنب المطيه
******
عايض:
ما غبت من كلمتك والعلم نيشان=لولا الحيا كان حطيتك ضحيه
في ديرتك سامع هزة وبركان= وأنته هنيا تغني السامريه
********
الطاروق الثاني
المعمري:
سلام لشيوخ الكويت وللمشاهد والحضور=واللجنة اللي نقدها هادف وموقفها صريح
يالمسردي خلك ولد واحذر يطيّحك الغرور=ترا الغرور يطيّح الرجال قبل انه يطِيح
******
عايض:
يا مرحبا ترحيبةٍ ماحدٍ يلحّّّّّّقها قصور=نيابة عن من سمع ولا يصح الا الصحيح
الله يلعن كل مختالٍ يابو ياسر فخور=لكنّ ما به فوق ذا الدنيا ضمير مستريح
******
المعمري:
الله لعلك للبقا إهدا ودمك لا يفور=أنته تكلم في لغة قحطان ولسانك فصيح
إنحت بيوتٍ من صخر والا تعذّر ومعذور=العلم أخير من الجهل والطب للقلب الجريح
******
عايض:
أنا أتحمس وأحمي الموقف وأسولف من شعور=يوم الحيايا قال الأول سمّها يندح نديح
لا تحسب إنّك يا طويل العمر شرّاب البحور=أنا ترا جزل العطا ياراعي المدّ الشحيح
******
******
المعمري:
يالمسردي لا تحسب إنك صقر أخير من الصقور=حافظ على الأسرار واللي وسط قلبك لا يطيح
ترا على السرعة يبي يجازيك جندي المرور= ياللي تناطح لك جبل وتقول أنا مالي نطيح
******
عايض:
حنّا رجال ولا تشبّهنا يا حربي بالطيور=عطني من الشعر المليح ولا تجيني بالقبيح
انته تبي تعبر ولكن روح ممنوع العبور=لأنّك ليا طال المدا ما تَظفر إلا بالفحيح
وختاما نسأل الله أن يوفق عايض في دينه ودنياه وأن يكتب له الفوز باللقب
وسلامتكم جميع
الكاسر
مباشر "ابن الأشدق والمعمري"
العرض العادي
