عديل الروح

[الناااايفه]

السلام عليكم ورحمة الله وبركاته
هذي قصيده من كتاباتي واتمنى القى النقد عليهااا
مع العلم اني جديده في مجال الشعر ..في بداياتي

	ياطير ياواقـــــــف على غصـــــــن ميـــال ابيك لعـــــــــــــــديل الــــــــروح مرسالي عاين للبوصـــــله واتجـــه غرب شمــــــال يم القويعيه وخـــــص عنان ديرة الغــــالي وقـــــــل للسحابه تـــــنزل من المزون همال على ديار الوليــــــــف لين سيلها ســــالي والشمس تخفف من الشعــــــاع الا رسال يشوفون نــــــــــورها ولا ينوشهم صـالي وقل للهوـــــــاء لايوذيهـــــــم لو مثقـــــــال وان جا عجــــــــــــــاج يهده لين يزالــي ثم حول عليهم سواة الحر ساعة المنزال مجالس رجـــــــــــــــال للضيفان مدهالي ما سكروها في وجه من جــــاهم باقبــال بينطحك العود الأزرق ومن البن فنجـــالي ياطير حــــــذاريك تشـــــــرب الفنجـــــــــال قبل تعد قصـــــــــيدي على طيب الفالــي حب خشم الــــــوليف وقله انا مرســـــال من اللي بالمـــــراجل تحدت كل رجالــي بنت فريدة كامـــــــــــله بكل الخصـــــال كلن يتمناها ولـــــــــــيفته بس ذا محالـــي حملتني فوق الامتــــــــان شين غــــــــــال اغلى من الذهــــــــــــب وبنوك الاموالي شين في الضماير راسي مثل الجبـــــــال ارقابها سنـــــــــود ما احول بها الجالــي يوم كلن له كيف وكلن له امـــــــــــــال قلت كيفـــــــــــي فلان وهو اخر امالــي فديت روحه وقلبه على كل الاحــــــوال ويفداه عمـــــــــــــــري ويفداه كل غالي فلان له في قلب النــــــــــايفه منـــــــزال تلحف ســـــــما قلبـــــــــــي وتوسد رمالي وشب ضوك ودلتــــين على الجــــــــــال وجر بالصــــــــوت في النـــايفه كل موالي يطربلها كل طير في السمـــــــا عـــــال حتى عن التــــــــــــــغريد اعلن الاعتزالي ثم انطعنت بسهم حبك وانبرى الحـــــال ذوقتني مر الحــــــــــــــب وشربت الحالي كذا وبكل بســــاطه تخــــــتم الاقـــــــوال تبتعد وتقول خلـــــــــــــــــيني في حالي وتشل زهابك وتعـــــــــــــــلن الترحـــــــال وتدحدر من الــــــــــــرجم وانا فوق بالعالي تواسيني النجمه والغيـــــــــوم ظـــــــــــلال والشمس تحـــــــــــــــرق كرت اخر امالي ودموع عيني على خدي كــــما الشــلال ياعين لاتبـــــــــــــــكين على صعب المنالي وقلبي ربطـــــــته بعشرة حـــــــــــــبال وفـــــــــــــــوق الحبــــــــــال عشرة اقفالي دام ذا ودك ياعريب الجــــد والخــــــال ابشر علـــــــــــــى خشمي وعود يامرسالي واشرب الفنجال من صاحب الفنجـــــــال وتمايل علـــــــــــــــى غصنك يمين وشمالي واتركني اداوي جرحـــــــــي القتـــــــال واتذكر ماضــــــــــــــــي من زماني طرالي يوم كان الحب مايطري على البــــــــال ولامنه طـــــــــــــــــــرى قلت لعب جهالي

وسلامتكم

[ابوخالد]

محاوله لا بأس بها اختي النايفه..
يبيلك تركزين على الوزن في النص..
يعني كبدايه..
اختاري لحن لأغنيه تعرفينها وحاولي تركيب كلمات ولو لم تكن على المعنى المراد حتى تتقني الوزن ومن ثم ستجدين ان مسألة الوزن بسيطه..
ركزي على بحر المسحوب.

.انا حبيبي بسمته تخجل الضي..يكسف سنا بدر الدجا من جبينه..

[أبو فايز]

الأخت نايفة .. هذه سالفة عادية ، لا وزن ولا يحزنون..

أرى أن ينقل هذا الموضوع إلى المنتدى المفتوح .. وشكرا .

[الناااايفه]

اررررحب يبو خالد يالله حيه
وابشر .. مثل ما قلت انا في بداياتي يمكن لي شهرين بس

وان شاء الله باحاول مانيب ياسه ابد


والله لا يهينك يا ابو خاااالد وبيض الله وجهك

[الناااايفه]

ارررررررررررحب يبو فايز

ههههههههههههههههههه

طيب انقلوه مافي مشكله المهم اني اخذ نقد على كتابتي

حتى اقدر اجيب اللي اطلق منه

<< تحطيم ههههههههههههههههه

لاهنت يا ابو فايز

[أبو فايز]

الأخت نايفة أشكرك على هذا الرد الذي جعلني أشعر بالأسف .. لكن حقيقة القصيدة ينقصها النظج وتحتاج إلى إحكام للوزن ..

لعل المحاولات القادمة تكون أفضل ..

أعتذر عن هذا الأسلوب النقدي الجاف .. وشكرا .

[الناااايفه]

معذوور يابو فايز وانا وسيعة بطان مانيب اتضايق من النقد ابد

ماجيت هنا الا ابي النقد وكلامك صحيح

مثل ماقال ابو خالد يبيلي الحن الابيات عشان اوزنها

وان شاء الله اني اقدر .. وابي دعواتكم جعلكم تحيون

[الشااااايب]

قصيده في منتهى الرووعه يالنااايفه انا مو شاعر لكن من محبين الشعر ولكن اشكرك على هذه القصيده المميزه ومحاوله جيده وما فيك حيله ياالنااايفه وشكرااااا تقبلي مروري يالغاليه

[الناااايفه]

اررررررررررررررررررررررررررررررررررررررررحب يالشاااااااايب

هههههههههههههههههههههههههههههههههه

جعلك تحيا مشكور يالغالي على الرد الحلوو

وتسلم وبيض الله وجهك

[أبو مهند]

صح لسانك وفي انتظار المزيد من الابداع