قصيدة الأمير نواف بن فيصل
يرثي فيها والدته الأميره منيره بنت سلطان بن عبد العزيز
وداع000 وخيرة الله خيره
سبـع وخمـس سنيـن ياهـي مريـره
ما بين خسف صاب دنيـاي وكسـوف
يوم انطفت شمـس الجزيـرة ظهيـره
وعني رحل فيصل وجت عجة ظـروف
صـارت حياتـي لكـل الأهـات ديـره
وكنت الحزن كلـه ، تعابيـر وحـروف
ودعت ابوي ، ولا بقـى قلـب غيـره
الا خفـوق كنـت بـه دوم محـفـوف
حضن الأمـان اللـي وهبنـي ضميـره
واللـي سقانـي كـل طهـر ومعـروف
واصـدق شعـور لفنـي فـي حريـره
واحن صدر ضمني ، واعذب وصـوف
امي ، بكـل اوصـاف توصـف كبيـره
ومن غيرها يقدر يبـرد علـى الجـوف
بنت السمو اللـي زهـت بـه مسيـره
وام الجريح اللي مـن العمـر محـذوف
سبـت(ن) فجعنـي والمنايـا شطيـره
وحتوف ، لا حل القدر طاحـت سيـوف
سبت(ن) لحق سبت(ن) وتاهت بصيـره
ورجعت اون ، وعود الوجـه مخطـوف
اصيـح واشـق والسعيـره سعـيـره
ويارب صبرني 0000 يا رب ملهـوف
فقدتهـا يــارب هــدي السـريـره
ما ابتل ريقي ، وينها؟ ويـا ظمـا روف
كن القمـر مـن عقبهـا مـات طيـره
وتوشح ثياب الكـدر واقبـل خسـوف
عزا 000 وعزتنـي صفـوف كثيـره
وما فيهم اللـي رد صبـح لمكفـوف !
مـا عـادت ديـار السهـارى منيـره
ظلما هنـا وهنـاك ، والباقـي طيـوف
وذكـرى تزلزلنـي ، ودمعـه غزيـره
وطفـل يتيـم وهـده البعـد والخـوف
مكسـور ولا تنفـع بكسـره جبـيـره
مقهور مـا بيـده ولاشـي ، مكتـوف
لبسـت ثيـاب احـرام عمـره اخيـره
وصار الكفن في عرش رب السما يطوف
ربــي يتـقـبل نيـتـك يالفـقـيـره
وحنا نرجـوا خالـق العالـم ضعـوف
يمـه : صمـت ، وموجعـات عسيـره
وضيقه ورا ضيقه ، وهم ، وعاصـوف
يمـه : وداع ، وخـيـرة الله خـيـره
وفي ذمة اللي كلنـا بارضـه ضيـوف
أقول وش آقـول : راحـت ( منيـره )
يعني فقدت النبض والسمـع والشـوف
مشاعر ابنك الداعي لك بالرحمة طول العمر
نواف بن فيصل بن فهد بن عبدالعزيز
أيضاح بعض الأبيات
* 1سبع وخمس سنين :منذ وفاة الأميرفيصل بن فهد من 12 عام رحمه الله
*2 كانت رحمها الله متجهه للعمرة لبيت الله الحرام قبل دخولها المستشفى أسكنهاالله فسيح جناته
(((وداع..........وخيرة الله خيره)))
العرض العادي
