هذه القصيدة بمناسبة العملية الجراحية التي أجريت
لمقام والدي ومولاي صاحب السمو الملكي الأمير سلطان بن عبدالعزيز حفظه الله ورعاه
والتي تكللت ولله الحمد بالنجاح :
يا ماجدٍ حب العرب مستحله
والشاهد اللي يعلم السر والغيب
سلامتك عد النجوم المطله
يا كافل حظوظ العرب بالمواجيب
سلطان مجد .. ومنتهى الطيب كله
يزود من منشاه طيبٍ على طيب
تلقا المكارم كلها في سجله
تذخر بها صفحات بيض المكاتيب
الطيب شمس ٍ والوفا منه ظله
بالفعل ما هو ضرب هجس ٍ وتقريب
طيبٍ يقدم به وطيبٍ يعله
مكارمه لاهل الحوايج معازيب
الشعب ربّع في حجاج ٍ يفله
حجاج ٍ لخلق الله تطّلق مقاضيب
عنوان واضح ما يبي من يدله
ما تعطي ركاب الطلب عنه تجنيب
له من سمان المجد والعز جله
له كلها ما فيه شكٍ ولا ريب
عقدٍ يعقدله وعقدٍ يحله
وعقدٍ يعدي به بروس المراقيب
نجاة من هلت عليه الأهله
سجين غرم ٍ وادركته المطاليب
الطيب له شرع ٍ مقدس ومله
ورّاد حوض ٍ للمنايا إلى هيب
ابنك المخلص عبدالعـزيز بن سـعود بن محـمد آل ســعود
================
(ســـــــلامتك)
العرض العادي
