ألم تراني!!
السلاااام عليكم
بما أنها اول مشاركة لي بالمنتدى حبيت أشارك بهذه القصيدة وأتمنى أعرف رايكم بها
الشمس تعطي كل حي ٍ طـــاقةٍ
والفضل للي في يديه حجابها
وانا عطيتـك وجه طيــب ورغبـــتٍ
غلطة عمر وانا دفعت حسابهـا
اثــــرك بــــزر منت بكفـــو معــزةٍ
لا واحسايف نظرتي واعجابهـا
صدق المشاعر فالـزمن خداعتـةٍ
تِلـبس ثعـــالبهــا بلبس ذيابهــا
الــوقت أعطــى للنعــامة جرئـــةٍ
تحسب مخاليب الصقر مخلابها
هي مـــــادرت بأنهـــــا نعــامـــةٍ
تموت مــا خلت حصــاة ترابهــا
يا إمعــه خذهــــا علـى بـــلاطــةٍ
لابـوك لابـو لحيتــك واشنــابهـا
انت الوضيــع الممتـلــئ وقاحــةٍ
منيحــةٍ تحــلب وانـا حــلابهــــــا
كــم مــرة أقــــول لك كــم مــرةٍ
يشيـل ثقـل حمولهــا من جابهــا
ألــم تـــرانــي للأبالـــس فتنـــةٍ
أدعس برجلي روسهــا وأرقابها
وألــم تــراني للمكــــارم قـــدوةٍ
أرقى قممهــا وأعتلي مرقابهـا
وألــم تراني للضـــوامي جمـــةٍ
سرعـان ما تقطع ضمـا شرابها
وألــم تراني فالمــواقـف فزعــةٍ
فــزعة وفــا يفرح بها طلابهــا
إن لــم تـــــــرى فــهــذه مصيبــةٍ
بلوه ومن مثلك عسى يبلا بهـا
وشلــون تجحـــــد هــــذا يا (؟؟؟)
وشلون تجحدها ولا ترضى بهـا
هل هي جهـــل أم إنهــا لعانــةٍ
الكلمة اللي قلت ويش اسبابها
قلي قبل لا تنتشب في نشبــةٍ
من بين ضرس العارفين ونابها
عليك من جمــر المواقد جمـــرةٍ
تحرق جميع عروقكم واعصابها
القافلـــة تمشي على هـــداوةٍ
ماهـــو مروعهــــا نبيح كلابهــا
يغنيني الحـي الغني من خـــوةٍ
ماتحفظ حقوق الصحيب لصحابها
والخوه إن ما صــارفيها حشمــةٍ
مــانيب والله من يفــك أبوابهـــا
أرفع مقامــي من تدني كلمــةٍ
تآتي من ضعوف العرب واذنابها
الصمت في بعض الأمور حكمةٍ
أقولهـــا والنــار من شــبابهـــا
|
العرض الشجري
