العودة   منتديات بوابة جاش > المنتديات الأدبية > واحة الأدب
   
إضافة رد
   
 
أدوات الموضوع انواع عرض الموضوع
  رقم المشاركة : [1]  
قديم 30 / 04 / 2007, 12 : 08 PM
هاوي القنص هاوي القنص غير متصل
موقوف
 




هاوي القنص will become famous soon enoughهاوي القنص will become famous soon enough

افتراضي قصة تضحك هههههههه

قصة تضحك هههههههه


احـــــــم


انا شفت هالقصة في منتدى وعجبني وقلت خلني انزلها لكم لأنه اكيد راح تعجبكم<<<<<< لازم يحكي قصة حياته خخخخخخخخ



يالله ماراح اطول عليكم...





هــــذا واحـــــد تــــــوه مــعرس وخلصت الزفه والامور اللي باالقصر.....

‏اخونا في الله شغل[‏اخذ حرمته] ‏وركبوا السياره..‏ودعس للقصيم

يعني اهل العروسه في الرياض وهو ساكن في القصيم.

‏والبنيه تستحي ومقررررطه طوول الطريق...‏والرجال ماغير يسولف ويهذر والبنيه

ساكته...‏مااحولك احد

الرجال يأس من البنت انها تكلم ..‏وقال ياولد ماوراه هذره اشغل المسجل

وامسسك الخط....

‏في الوقت نفسه البنت كانت متوهقه انها بس تتكلم عشان تقوله

ابي الحماااام الله يكرمكم

عاد هي طمررت على المرتبه اللي ورا عشان تنسدح ويخف عليه الوجع

الين يوصلون لمحطه

المهم الرجال ماوعى الا وهاذيك محطه ويصفط عنده

وينزل للبقاله ياخذ له كم كيس فصفص وكم علبة بيبسي للطريق

هو كان وده ياخذ له شريط يسليه بالطريق بسس خبركم

مايصلح يشغل شريط والافضل يخليها سواليف

البنت على نزلت زوجها الا وتقز هاذيك الحمامات حقات الحريم

اللي عند المسجد اللي جنب البقاله

قالت لنفسها يابنت يمديني اطمر واخلص وارجع قبل لاير‏جع هو من البقاله

المهم المسكينه راحت واخذت وقتها

اخينا في هالوقت قد رجع للسياره وعلى باله مررته في المرتبه اللي ورا

وخبركم عبايه سودا واخر الليل ماانتبه انه مهيب فيه السياره وهو شغل

ودعسسس

البنيه المسكينه طلعت وهي مرتااااااحه ومنزله كم كيلو

وتناظر يابنت وين السياره.......‏وتتلفت ماتشوف غير الهنود حق المحطه

وابو يمن حق البقاله

عاااااد تخيلوا الصدمه يوم عررفت ان زوجها دق سلف ومشى...‏جالسه تتأمل

المسكينه في نفسها يمكن راح منا ولامنا وبيرجع

شوي ماوعت الا ذاك الجمس المقبل يوم وقفوا عندالبقاله اللي جنبها

وتقز الحريم اللي في الجمس.....‏قالت زيييين عائله وتروح وترمي نفسها على

الحرمه اللي قدام

وهي ام العيله وتقولها خالتي اناداخله على الله ثم عليتس..‏وهذي قصتي

والعجوز تمسك راسها وتقولها..يابنيتي انتي تعرفين سيارة رجلس؟؟؟

ويعبون بانزين ويدعسون وراااااه

نعود الان لصاحب الفصفص

اخونا في الله مريح وماشي...‏بعد مالقوه على بعد نص ساعه

عاد تخيل عزيزي القارئ انك على طريق القصيم وفجأة وراك

جمس يكبس بالنوربشكل مخيف يبيك توقف وش ردة فعلك


اكييد الرجال دعس قال ذولا مهابيل بيضروني ومعي عروستي

........‏ويافشيله اذا انطقينا................

‏والجمس وراه داعس يحاول انه يوقفه المهم الذهين اللي يسوق الجمس عرف وش

يسوي ...‏فقام يولع نور الجمس اللي داخل عشان يشوف انها عايله

واخيرااااااا ..‏انتبه ووقف يبي يشوف وش عنده

ونزل معصصصصصصصصصصب......

‏عاد من اللي متوهق في هاالموقف....‏راعي الجمس

يقول في نفسه شلون اقوله ان مرته معنا

يبي يجبها بااسلووووب تدريجي عشان ماينصدم ..‏خبركم في مثل هالمواقف
شبيقولون اهل العروسه

اخذت بنتنا وضيعتها ..‏والللللله ان تلزق فيك السالفه طول عمرك

والعالم يتمشون وماعندهم سالفه غيرك

المهم راعي الجمس سلم وقال يااخوي ماكاانك مضيع لك شي ......

‏قاله المعرس لاوالله ماضيعت شي

قال متأكد

قال المعرس...‏شلون

قال راعي الجمس رح طل في سيارتك شف فيه شي ناقص لك

العريس قام يوسوس حتى المشكله مرته ماجت على باله

المهم راح ودخل سيارته وقال يامره فيه شي طاح منن وحنا في المحطه

محد رد عليه

ويوم لون وجهه بدا يميل للكرت الاحمر ....‏وييييين راحت المره

ورجع لراعي الجمس وقال هات السالفه

قال ياولد مرتك لقيناها في المحطه انا واهلي وقالت لنا انها نزلت

للحمام وانت مشيت ولا دريت عنها

عااد العريس كل انواع النفضات نزلت عليه تلعثم ولاقدر يتكلم

المهم راعي الجمس راح وقال للعروسه يلاطسي عند رجلس

شوفيه متصومع عليك

المهم العروسه اركبت مع زوجها السياره وانطلق لسانها اللي كان مربوط

وقامت تتعذر له...

‏وتقول لاتزعل مني اناكنت مستحيه اقولك اني ابي الحمام..‏وانت ماشاء الله عليك

ركبت السياره وانطلقت.........

‏صار العريس هو اللي مبرطم طول الطريق والعروسه هي اللي تبربر


أرجو أن تنال أعجابكم





مع تحيات


هــــ القنص ـــاوي
قديم 30 / 04 / 2007, 13 : 08 PM   رقم المشاركة : [2]
هاوي القنص
موقوف
 




هاوي القنص will become famous soon enoughهاوي القنص will become famous soon enough

افتراضي

نرجو التفاعل في هذة القصة والمشاركة




مع تحيات


هــــ القنص ـــاوي
هاوي القنص غير متصل  
قديم 30 / 04 / 2007, 22 : 08 PM   رقم المشاركة : [3]
كاشخ 24 ساعه
*!*مشرف سابق وشاعر*!*

 الصورة الرمزية كاشخ 24 ساعه
 




كاشخ 24 ساعه will become famous soon enoughكاشخ 24 ساعه will become famous soon enough

افتراضي

فعلا قصه عجيبه وممكن تصير ليش لا


المعاريس خبرك مطافيق شوي وانواع الاحراجات
توقيع كاشخ 24 ساعه
 
هناك اشخاص يفعلون بك هكذا؟؟

ولكن!!! تابع مسيرتك ولاتهتم بهم
كاشخ 24 ساعه غير متصل  
قديم 30 / 04 / 2007, 39 : 08 PM   رقم المشاركة : [4]
علي الحبابي
:: عضو ماسي ::

 الصورة الرمزية علي الحبابي
 





علي الحبابي will become famous soon enoughعلي الحبابي will become famous soon enough

افتراضي

حلوه بس بذمتك فيه بنت اليوم ماتحفظ رقم زوجها !!!!!!!هم ماشا الله عليهم لوتطقها شوكه اول شي تفكر فيه الجوال وهاتك من القرق والهذره
علي الحبابي غير متصل  
قديم 30 / 04 / 2007, 38 : 09 PM   رقم المشاركة : [5]
هاوي القنص
موقوف
 




هاوي القنص will become famous soon enoughهاوي القنص will become famous soon enough

افتراضي

شكرا على المرور والردود الرائع


مع تحيات
توقيع هاوي القنص
 هــــــــــــــــــــــــــــــ القنص ـــــــــــــــــــــاوي
[url=http://o9o9.net/2][img]http://o9o9.net/2/uploads1/3e744c72f2.jpg[/img][/url]
هــــــــــــــــــــــــــــــ القنص ـــــــــــــــــــــاوي
هــــــــــــــــــــــــــــــ القنص ـــــــــــــــــــــاوي
هــــــــــــــــــــــــــــــ القنص ـــــــــــــــــــــاوي
هــــــــــــــــــــــــــــــ القنص ـــــــــــــــــــــاوي
هاوي القنص غير متصل  
قديم 30 / 04 / 2007, 39 : 09 PM   رقم المشاركة : [6]
هاوي القنص
موقوف
 




هاوي القنص will become famous soon enoughهاوي القنص will become famous soon enough

افتراضي

لكن ما فهمتك با علي الاحبابي وش تقصد


مع تحيات
توقيع هاوي القنص
 هــــــــــــــــــــــــــــــ القنص ـــــــــــــــــــــاوي
[url=http://o9o9.net/2][img]http://o9o9.net/2/uploads1/3e744c72f2.jpg[/img][/url]
هــــــــــــــــــــــــــــــ القنص ـــــــــــــــــــــاوي
هــــــــــــــــــــــــــــــ القنص ـــــــــــــــــــــاوي
هــــــــــــــــــــــــــــــ القنص ـــــــــــــــــــــاوي
هــــــــــــــــــــــــــــــ القنص ـــــــــــــــــــــاوي
هاوي القنص غير متصل  
   
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 17 : 09 AM.


جميع المشاركات ملك لكاتبيها
 
مجموعة ترايدنت العربية