تعريف الهياط

[kk]

تسمعون عن كلمة (هياط أو مهايط أو يهايط أو مهايطي ) ولكن مايدري وش معناها بالضبط والحين ابشرحه شرح قصير جدا ان شاء الله مع التمثيل .

قال العلماء : هايطَ يهايطُ مهايطةً فهو مهايطي وهي مهايطية ومعنى الهياط في اللغة : الصياح،
قال ابن منظور في كتابه (لسان العرب ):"والهِياطُ والمُهايطةُ: الصِّياح والجَلَبة" << قسم بالله صدز
وفي الغه "هايط الرجل " اي سوالي في امها

أما تعريف الهايط اصطلاحا : هو فعل الشي والمجازفة الخطرة بقصد التميلح.

وينقسم الهياط الي قسمين :

1-هياط عملي
2-هياط قولي

شرح أقسام الهياط بالتفصيل :

الهياط العملي

تعرف الهياط العملي :وهو المجازفة والمغامرة الخطرة بقصد التميلح والاستعراض .

اذكر مرة العيال كانوا جالسين بالشارع الا فيه ولد صغير اسمه عبدالله يمكن عمره 12 سنة واقف على جدار بيتهم
المهم قام واحد من العيال مقلع
قال : ايوه شوفوا عبدالله القوي هالحين بيطب من الجدار
المهم الخبل عبدالله طب من الجدار على الشارع واول ما طاح وهو يصرخ هاك الصرخة ويجون العيال ويقومون
ويروحون ويدخلون بيت واحد من العيال ويتكون بالملحق ويفلونها بولت
يوم جاء من باتسر لقوا عبدالله جالس عند بابهم ورجله مجبصة لما الركبة
ومشكلة هالنوع من الهياط إن عواقبة وخيمة يعني يمكن يموت المهايطي اثناء عملية الهياط مثل الي يطلعون بوجه المفحط
وهو ناطل السيارة على البيبان ويمشي ميتين



الهياط القولي

تعرف الهياط القولي :وهو مدح النفس بشي ماصار أو إدعاء ملكية شي أو التزهل بأمر ماهوب قده .

يعني مثلا الواحد يمدح نفسه وهذي واضحه أو إنه يدعي إنه يملك مثلا سيارة غالية أو وحدة تدعي إن عندها عقد ألماس
أو إن الواحد يدعي إنه يعرف شخصيات مهمة
ويكثر هذا النوع من الهياط عند الحريم والبزران من سن التاسعة الي السادسه طعش
ماعمرك سمعت بزر يقول ابوي اقوى من ابوك والا سيارتنا ازين من سيراتكم ترى ذا الهياط القولي

[General]

هههههههههههههههه حلوه عبودي وتكفى ياولد كل حاجة الا المهايطه العمليه أو الفعليه


لانها تكون دائما أوضح وأصعب من المهايطه القوليه


بس أبي أسألك ويش الطاري

[kk]

ههههههههه ياخي ما استانس الا اذا جلس يسولف عليك مهايطي
خصوصا اذا عطيته جوه شي رهييييب
اما الهياط الفعلي اكرهه لكن صراحه بعد فله
اذكر واحد يوم كنا ندرس
غرز واحد في جاش فلقينا هذا المهايطي يقرب
للي غرز في سوق جاش وجلسنا
نسولف قلنا ترا لقينا قريبك مغرز في المكان الفلاني ما امداني اكمل
ابي اقول وترا طلعناه من التغريزه ماخلاني اكمل
الا وتعزوا ذيك العزوة اللي احس انه بيحرر فلسطين
والله والله من زوود الهياط شغل دبل الجيب ونتق سيارته
وهو لسا واقف معنا. من زوود الهياط شغل الدبل على الزفلت
وفحط ذاك التفحيط جلست الحقه ابي افهمه ما امداني قلت براحته
اخر عهدي به راح يفزع ومايدري ان اللي رايح يفزع له يمشي ورانا

[!! تقوى الهجر !!]

هههههههههههههههههههههههههههههه

ياكثر المهايطيه الله ياخذهم كلهم


مشكوور kk تقبل مروري

ــــ
تقوى الهجر

[kk]

هههههه مشكوور طال عمرك على المروور
بتنزل السعودية قريب
بتكون على ا لكرسمس في السعودية

[لووووون]

مشكور عبووووووووووودي تقبل مروررررررررررررر اخوك لوووووووووووووووووووون

[kk]

العفو لووون شكرا على مروورك

[الخلاوي]

الهياط ظاهره متفشيه في مجتمعنا ويلحقها هبدة صدر مما يؤدي الى مالايحمد عقباه
عافانا الله واياكم من الهياط
مشكور kk
تقبل تحياتي

[السلطان 7]

قال العلماء : هايطَ يهايطُ مهايطةً فهو مهايطي وهي مهايطية
هههههههههههههههههههههههه حلوه
وكعادت تنتقي ما هو افضل واجمل في مشاركاتك
بس انا اذكر قبل شهرين تقول ثلاث اسابيع وتجي وش السالفه

[زمان يافن]

مشكوووووور kk