تهب الرياح العآتيه والجبال جبآل ..
عليها الغصون تميل وجذورها حيه !
سمّو و شموخ وطول عمر وذرا وظلال ..
رواسي للارض أوتاد حكمه إلهيه !
وعلى هيئة طوال الشوامخ تعيش رجال .
هدفها يعم الخير سر و علانيه !
عزوم الرجال كبار و الكايدات ثقال .
تزيد المتون إصرار وقوه هجوميه !
دروب الرجال وساع ضاقت على الانذال
تعدا الخطر لـ لمجد روح ٍ فدائيه !
طويل الحبال يراقب إيده قصير حبال .
يجيب القراح من العدود أبيض النيه !
نوايا الردي أشواك والمثمرات طوال
يحايل عذوق النخل وتجيه تمريه
تعيش القلوب البيض فرحه وراحة بال .
وتموت القلوب السود لا ذي ولا ذيه !
يجود البخيل بـ عذر واهي قفاه إذلال .
ويشح الكريم بـ عذر لو عذر طرقيه !
تمر السنين ، يمر جيل ٍ وراه اجيال .
وتصبح حقيقة طول الايام وهميه !
يعم الشباب غرور نفس وخطا وهبال .
دروس و فرص للعصبه الانتهازيه ؟
وبدون اي معنى للفعل ما تفيد أقوال .
مايحي يباس أرضه من المزن صيفيه
وبعيد النظر قلبه بصير و بديع أمثال
صقل ماوهبته شيوخ دنيا و دينيه
جميع التجارب كاسب ٍ من عبرها جزال
يحوش الفوايد ثروة اجر ٍ نهائيه
تسلسل نتاج أفكارها رابطه بـ الحال .
نجاح و معالي للعقول الرياديه
حلاة اللسان الكلمه اللي لها مدهال .
بوسط الصدور الضايقه تمحو السيه !
على النفس تدعو للتفاؤل وطيب الفال .
وياخذ عليها القلب وصفه علاجيه !
لا طال العمر يقصر لامل ف الولد والمال
ويجي للزمان هموم فكر إعتياديه !
وعلى كل حال محال حولٍ يحول بـ حال
طبيعة مدار الوقت حكمه إلهيه !
طبيعة مدار الوقت ][ حكمه إلهيه ][ !!
العرض العادي
