البارحه يوم أفتح الباب بـ شويش=خوفي يقوم اللي رقد من فراشه
سريت اسامر كربة الضيق والعيش=ومنها عيوني في ظلام اندهاشه
ليش اشغل المرتاح في كربتي ليش=قلبي ليا فضفضت زاد إرتعاشه
لو عاد لي فيها تجاهل وتطنيش=تفجرت بالصدر كثر الخشاشه
وقف على باب الفرح شرط تفتيش=يسلب من الوجه السعيد البشاشه
قطعة همومٍ ما تجيني تناتيش=صارت لها عيوني على الحزن شاشه
ذولا مغابيشٍ وذولا مداغيش=وفي معتركها هاجس الشعر باشه
الفكر كنه قايدٍ والحزن جيش=إمداده الذكرى ودمعي إعاشه
ليلي يداقشها خبير النواتيش=وياخذ على تعكير صفوي معاشه
مدري سبب ماصابني ذنب او طيش=او مبتلى حب ٍ سكن وسط جاشه
عامين مال النفس فرحة مطاريش=ولاكن احد غيري شقى الهم عاشه
لا واوجودي كل مالاح بـ الريش=قرناس ثالث حول والغيم ناشه
وجد بدويٍ في سراب النشانيش=برد الهوى لحافه والارض افتراشه
ولا واوجودي لا حصل زود تشويش=بين اتخاذ أمرين والراس داشه
وجد الكبود الجايرات المعاطيش=اللي على عدودن تلاشت عطاشه
ولاواوجودي كل منوي المغابيش=يعصف بصدري ما يثير انكماشه
وجدي على ام الضافيات العكاريش=اللي لها بنك المعاليق كاشه
غابت عن عيوني ولا ادري على ويش=ومنها عظام الصدر فيها هشاشه
دمعٍ حيا بعيني ورى صدري يعيش=بين الرجا واليأس حاشه وطاشه
ولا واوجودي يالمزون المراهيش=وبلٍ على صدري يعيد انتعاشه
البآرحه ..
العرض العادي
