أخواني الإعزاء
هذه قصيدة جديدة بعد الخروج
من حالة الصمت الرهيب والإحباط
الذي نمر به هذه الأيام وأعتبرها
تفريغ شحنة كانت تجثم على صدري
أترككم مع القصيدة وأتمنى أن تحوز على رضاكم
أحسن الله عزا الفزعة .. بموت الرجال !!=والعزا.. للخيول .. بفقد خيالها !!
يوم شمس الكرامة .. عجلت بالزوال=وأستضاقت .. فيافي الأرض برمالها !!
وأبتدا ليلها الأسود .. وغاب الهلال !!=والسهول الوضيعة .. نافت اجبالها !!
والهماج أستوى .. ويا القراح الزلال!! =وحالة الصمت .. ترمي فوقنا ظلالها !!
ول يا وقت .. يا ما أقساك .. وقف تعال ؟!=وش جرى للعروبة .. شف ردى حالها ؟!
حالةٍ ما تصدق .. حتى لو في الخيال !!=قال ما هو بذنبي .. مالي ومالها !!
ويوم فكرت .. فيما آل إليه المآل !!=ومُخرج المسرحية .. جهّز أبطالها !!
يوم قالوا .. بني صهيون .. طال المطال=حركت زمرة الشيطان .. وعيالها !!
اكذبوا .. لين صار الكذب .. صدق المقال !!=وحيلنا نصّدّق الكذبة .. ومن قالها !!
كيف تتحرر الأوطان .. بالاحتلال ؟!=ونهب خيراتها .. وبسلب أموالها ؟!
يا عرب .. والصدور تفوح فوح الدلال !!=والهزايم .. علينا تسحب أذيالها !!
شفت ذل العرب .. متصور ٍ في اعتقال=في يدين العدو .. وموثق أغلالها !!
مثلوا به على الشاشات .. وأصبح مثال !!=ذل صدام .. موت العُربْ .. وإذلالها !!
ما هو بحب .. في صدام شين الفعال !!=ولا هو بحب .. في أمثاله .. ولا أفعالها !!
وأنقدح في خيالي .. شي .. وأغرب سؤال ؟!=ليه نبكي .. على الأمجاد .. وأطلالها ؟!
يا عرب .. بدلوا الغترة ببرقع وشال !! =بعد موت الرجولة .. ماتتْ إرجالها !!