اشوف بعض العرب مايدمح الزله=مثل الغريق الذي متمسك بقشله
ياهوه00 ياهوه بانت منكم الذله= والبيت مايثبت الا فوق سيسانه
جبرنا ماكسر والكسر منا عطيب=والمهالك عليها وردنا مايضام
ناركم برد ولا نارنا من لهيب=لاتشب الحرايق ياصلك لنتقام
من بعد هاذي ترى زلتك مدموحه=ماعاد اضايقك في الجيه ولا الروحه
الا لما قام ينذخ ذيخ منفوحه = البيت مايثبت الا فوق سيسانه
انت ياللي عظامك كلها من صليب =ما تكسر مثل باقي جميع العظام
خل عنك التهدد والغضب يا لغضيب=نبغي انشوف فعلك والهمام الهمام
مدام تعرف باساليبي وتفكيري =هاذي الحركات مررها على غيري
مهما تسويه ماللك اي تاثيري =والبيت ما يثبت الا فوق سيسانه
موقفي ماتهزه في النهار العصيب=واخذ القسم وافي من علو السنام
وانت يالذيب في دربك ثلاثين ذيب=لاتنزل مقامك يارفيع المقام
قدري اعرفه ولاانت بعارف قدري=وياحيف من واحد يدري ولايدري
بدري عليك النجوم الساريه بدري =والبيت مايثبت الا فوق سيسانه
لاتحسب السوالف مثل اكل الزبيب=احتزم للدواهي عام من بعد عام
فيه بالحرب سالب لاتصير السليب=والجمل لابرك حطو عليه الخطام
لون كلا يمييز قدره وحجمه=كان البشر في الحياه تعيش منسجمه
ولا هوت نجمتك ياراعي النجمه=والبيت مايثبت الا فوق سيساته
الدواهي لقد مالله كتب ماتصيب=مكسبك ماهو بدايم ولله الدوام
كلمتك هاذي احفظها والا قدار غيب = يمكن تجر بخطامك نهار الزحام
اللي يدور لها لابد يلقاها=واحذرك لاتجي من دون ماطاها
وان كان ماتابت ام جنيب باطاها= والبيت مايثبت الا فوق سيسانه
الادب يلتزم به كل رجل غريب=وانت ضيف ولانبغى يطول الكلام
ضيفنا لالفانا ماوجد غير طيب=نعذره دامت الدعوى سلام بسلام
ياللي تدورعلى العليا وتخطيها=ماتملك الطيبه وشلون تعطيها
جعل الحيايا تلطيبك لواطيها=والبيت مايثبتالا فوق سيسانه
لاتقهوي ضيوفك من دلال سريب=اكرم الضيف قبل العلم والاعتلام
لاتجي في لقانا بالصياح الطنيب=جعل بيت الردى يصبح على اهله هدام
الله يجزى جهازك خير ويدله=خربان والظاهر انه ماصلح لله
بنصحك ترميه لا تامنه وتشله =والبيت مايثبت الا فوق سيسانه
فيه ضيف تقدم له سحال الحليب=وفيه رجل تساوت جيته والعدام
يابليد الدراسه ماانت طالب نجيب=ارفع الراس لاترخيه مثل النعام
جهازي ان خرب بشري واحد غيره=واطيرك ياسفير الحب تطييره
وتروح من بين تقديمه وتاخيره=والبيت مايثبت الا فوق سيسانه
ما يقسم حقوق الضيف قرم عريب=وانت حطيت في بعض الحقوق انقسام
لاح عبد المجيد ورد غنيه رهيب=دام جالك على التشبيه شف ومرام