يفوح عطرك فوق كفي و اشمه
وأحس كني واقف ن تحت ديمه
**
هتانها شوق ن ضلوعي تلمه
حب و وفاء وأشياء أخرى حميمه
**
ويمرني طيفك وأحاول أظمه
واصحى على واقع حقيقه اليمه
**
أني بشرق الأرض وانتي بيمه
ومن بيننا ياهي مسافه عظيمه
**
بعد ن يغم القلب ويزيد همه
في شرعنا ينعد أكبر جريمه
**
لكن عذري يالغلا كم مهمه
لازم أنجزها بقوة عزيمه
**
مثل أشقر ن نوى على راس قمه
اللون صافي والمزايا عديمه
**
وإن راده الله كل شي نتمه
ويصير ذكره ذكريات ن قديمه
**
ويلتم شمل اللي يهم ونهمه
والفضل للي مايعدد نعيمه
يفوح عطرك
العرض العادي
