(تنشر لاول مره) قصيدة لعيد بن حمود بن هرسان فى الكرم رحمه الله

[ابو طلال]

ياالـله يامطـلوب ياطـيــب الجـاه=يافـاهم الغـيب وانــت الرقيـــبي
طالبك ترزق عيد يوم انت مشكاه=يوم انت قواد الرجـاء والنصيبي
قالــولي العــذال لا تذبـح الشــاه=واترك جمــيع المقديه والمصـيبي
قلت يا تايهين الراي راي فلا ابغاه=لاعاد راي في المجالس عطيبي
الرزق بــيد الله سريع إلي اجـــراه=وإالي مـد من السخا ما يخيبي
ياجــعل رجـــلٍ ماتحــبه دنـايــاه=جعله نـهار الضـيق يذكر صويبي
خــلي طريـــح والحــدايا تعــشاه=فـــي خــبه مدهــالها كـــل ذيـــبي
غيرالجيـش* يازينه ويازين ممشاه=وياما خذينا فوقها من الوجيبي
في راي ابو منــاحي* زبون المجناه=شيخٍ علي شيخٍ وفعله تعيبي

[ابو طلال]

عندما نقل الي المدينه المنوره وكان يعمل في الحرس الوطني اَن ذاك وتذكر ابن عمه الشيخ مناحي بن شبيب بن حيبان في الرياض

يامنــاحي المنعور ياالنادر الشجاع=سعد الرفـيــق وسعد ربعٍ مساييري
ودي تخاويني على ضافي المسراع= على وارد الستين سواقه الديري
لامسكوه الخــط ماينوي المهجاع=ولا وقـــفوه الي تشـــل المزامـــيري
يازوع قلبي زوعة البدو للمفراَع=لما انتووا في شف جل المعاشيري
وياجر قلبي جر غرب على مرجاع=لادلبحت به فوق عوج النواعيري
عــلى بني عمي هل المنزل الرفاع=تلقى جوانب جاش منـهم د واويري
ابشر نهــار تهل ترحــيبةٍ بسراع= وتلقى غمار ماتهــاب المخاســيري
ســـلم عليهم عـــد وبلٍ يــدم القاع=سـيـله حقوق من قـــنوف مزابيري

وللقصيده بقيه

[Shabeeb]

شكرا ابو طلال على النقل
وانفراد شبكة جاش بالقصيدة لاول مره

[سفير السعد]

ابو طلال كل الشكر لك
فقد اتحفتنا بقصيدتين حتى الان لرجل لم ولن نوفيه حقه
واوعدك ان ابحث انا ايظا عن قصائده واجيبها
أسأل الله ان تهل على قبره سحائب الرحمه والغفران
وان يكون روضه من رياض الجنه
وأطال الله عمر ابو خالد

[الغامض]

الف شكر يا ابو طلال على نشر قصيدة الشيخ الشاعر عيد ابن حمود ابن هرسان طيب الله ثراه واسكنه فسيح جناته

ونتمنى المزيد طال عمرك

[سلطان آل حيدان]

يعطيك العافية يا أبو طلال على نقلك لهذه القصيدة الرائعه
ولاهنت





تحياتي

[القاطع]

شكرا على المشاركة


ورحمك الله يا شيخنا وقدوتنا في الحياة

ابو سالم الشيخ عيد ابن حمود مضرب للمثل في الكرم
و عز للرفيق ومعروف بالحمية لربعه المساردة وحبه لهم

**
علما بانني لم انوي دخول المنتدى منذ زمن بعيد ولكن دخلت من اجل القصايد الموجودة للشيخ عيد ابن حمود الله يرحمه وبالفعل
فقيده على قبيلة المساردة الله يرحمه ويدخلة فسيح جناته

[ثور العاصد]

صح اللسانك وصراحة ارجو منك البحث عن قصايد هدا الرجل اللدي تشوقنا لسمع قصايدة مع تحيات صاحب الخمسة

[مالك الريــــــــــــم]

صح لسان الشاعر وشكرا يابوطلال وحبيت أعلق
على أسم ثور العاصد عيب عليك ياثور ترى الاسم هذا
مايطلق على الرجال يمكن فاهم غلط هذاك الذيب والصقر
وشكرا

[asad_0]

اسأل الله أن يرحم قائلها وإن دل على شئ دل على المحبة الصادقة لأبن عمه الشيخ مناحي وهذه الاخوة الصادقة والمحبة الدفينة لكل منهم على الاخر جمعنا الله وأياهم في جنات عدن
آآآآآآآآآآآآآآآآآآآآآآآآآآآآمين