ابو جود مع التحيه

[أبو جود]

وش نسوي بالعرب دام دمع العين حار = واشتبك فكر المصلي مع ماجوسها
اصبر وعينك على الصبر دام العج ثار = وانتظر الاخبار بتجيك في قاموسها

[أبو فيصـل]

الهايم شهادة اعتز بها من شاعر معروف وشكرا على مرورك

[أبو جود]

مشكور اخووي الهايم على مرورك الكريم ونورت المحاوره وعساها تكون ممتعه ومنوره بمشاركاتكم الغاليه

[أبو فيصـل]

فيه شيخ نعتبر له وشيخ بلا اعتبار = والمدارس ضايعه والسبب بدروسها
مابقى له كود ينظم للسوبر ستار = بعد مامرر على اشناب مثله موسها

[أبو جود]

شيخنا اللي نعتزي به على الدربين سار = شوشوبه جاك يلعب على منكوسها
كل رجل له مع الناس عز وله شنار = مابقى الا نضرب الطلقه بنادوسها

[أبو فيصـل]

شيخك اللي ضيع الصيد بأطراف الغبار = ولايميز بين ثوم القصيم وكوسها
من تقهوى من دلال المعزه واستشار = مايخيب ظن ربعه ولا ناموسها

[أبو جود]

جعل يسقى وقتنا اللي مضى قبل الغيار = يوم كل الناس ندري علام هجوسها
المجامل بينهم مالقينا له مدار = لكن الدنيا تغير تبين عكوسها

[أبو فيصـل]

القضيه من سنين طويله باختصار = قبل لاتمشي مع الظلمه بفانوسها
دام شفت البحر هايج ولا عندك خيار = خل فاسك كان تبغى الحطب مع فوسها

[أبو جود]

دام ثارت بالخبا قلت واللي صار صار = لو تطول سنين عمري على محبوسها
البحر لا هاج ياخوك مامنه فرار = والجبال جبال ماكل رجل يروسها

[أبو فيصـل]

عارف مابينك وبيننا حرب وثار = غير قانون السياسه يقول تسوسها
مانفع قبلك عقول تجمل بالوقار = ولا نفعها حارس الدار من محروسها