مشاكل الدينا طويلات وعراض=والمسألة فيها خطوط عريضه
مشاكل منها راعي الفكر يغتاض=لو هو وسيع البال لازم تغيضه
من أول صدري مساحات وفياض=واليوم ضاق الصدر لو كان فيضه
وضاع الأمل مابين باني وقضاض=وتخالط البني الجديد وقضيضه
وبعض العرب ماهيب في الطيب بحضاض=ولاهيب في كسب المدايح حضيضه
ولاضنتي نلقى علاج للأمراض=لأهل الحسد وأهل القلوب المريضه
اللي على عرض المقفين تهتاض=وقلوبها من حقدها مستهيضه
ناس غريزنها التراشق بالالفاض=والخبل فيهم نعرفه من لفيضه
يالله عسانا في هل الحسد نعتاض=وعسى الكفو في الضيق مانستعيضه
ونبعد من أصحاب التفرق والأبغاض =ونصد عن شوف الوجيه البغيضه
ونأخذ مع أهل الطيب مشتى ومقياض=برد الشتا ولا لواهيب قيضه