.
دمعة الفرقا
.
[poem=font=",7,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]دمعة الفرقا
.
طاحت بي الدمعه على غاليٍ غاب=ووقت الرحيل أشعل براس الفتيله
فاضت عيوني وأغرقت شهب الأهداب=وهي علي بالدمع كانت بخيله
ويا شينها الدمعه على فراق الأحباب=ويا شينها الفرقا لا صارت طويله
أنا فقدت أغلى الحبايب والأقراب=في ليلةٍ لا عادها الله ليله
شفت الجسد بالقبر وأكفانه ثياب =والحزن يكفي عن كثيره قليله
حزنٍ سطا بالجوف وأرسى له أطناب=وأوقد بصدري مثل جمر المليله
ما بين ربعي كنّي بوسط الأجناب=مثل الغريب اللي مضيّع دليله
وآشوف كل الناس في عيني أغراب=عقب الرحيل المر روحي عليله
فارقتها والقلب ينزف ومنصاب=جرحه عطيبٍ والزمن هدّ حيله
وأنهرت وأنهارت عزومي والأعصاب=من جور صكّات الزمان الثقيله
يوم رحلت وأنصك من دونها الباب=باب القدر والموت ما فيه حيله
والأقدار تنهش كل يومٍ بمخلاب=ومن حتت أوراقه سعت في شليله
حكمة ولي العرش لا ساق الأسباب=ما في يدين عباد ربي وسيله
وكلٍ يموت وعند ربي له حساب=وكلٍ يحصد اللي زرع في حصيله
ولا خاب من يرجيه من جاه طلاّب=هو واسع الرحمه ومنجي دخيله
جزل العطايا مالك الملك وهّاب=سجدت له وآمنت به وأنحني له
يا غافر الزلات للعبد لا تاب=يا قابلٍ دعوات من يلتجي له
تجعل لها من رحمتك ستر وحجاب=وذراً من البرزخ وظل وخميله
في جنةٍ نسماتها المسك وأطياب=وتشرب نهر خمرك ومن سلسبيله
وعلى نصايب قبرها الغيث سكّاب=تلاعج بروقه ويهمل هميله
وتنبت فياضه من رياحين وأعشاب=ويعمّ خيره الأرض ويسيل سيله
ويا مقدرٍ آجال الأعمار بكتاب=يا رب تجمع بين خل وخليله
أمي غلاها أغلى من أحباب وأقراب=وآحبها قبل الوطن والقبيله
فارقتها في ليل والقلب منصاب=جرحه عطيبٍ والزمن هدّ حيله
وعيوني اللي غرقت شهب الأهداب=جادت وهي بالدمع كانت بخيله
ويا شينها الدمعه على فراق الأحباب=ويا شينها الفرقا لا صارت طويله[/poem]
.
محسن المسردي
.
محسن المسردي
.
تعليق