جمعيني مشاعر وانثريني قصيد = وترجميني معاني والفيني كتاب
ياهجوس توردني على ماتريد = كل ماصك باب تفك عشرين باب
كل ماشفتلي في الدرب وجه جديد = قلت هذا هو الاصلي وذاك الكذاب
لو كسيت الغراب الريش الابيض الاكيد = مانت قادر تغير في طبوع الغراب
انت يالناقد المنقود وش تستفيد = عذبتك الحداثة وانت ساس العذاب
انتقدت الحداثة وانت مالك رصيد = لا نصرت الصلاح ولا نصرت الخراب
قمت تشلخ وتملخ في قريب وبعيد = وانت بالمختصر تدبل كبود الشباب
ماقدرت اتخيل شكل عبدالمجيد = يلعب القزوعي مضبوط عند الحباب
خواطر
العرض الشجري
