[poet font="Simplified Arabic,4,white,bold,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter="":da992b62a4]
اه من صبر
قلت اه من صبر على الكود = ومن ونة للقلب جاحت وقدت
ونة عتب ونة غضب مالها حدود = ياليتها عن مغلق الصدر صدت
لوها بحيد ذوبت كل جلمود = على الضماير بالهضايم تحدت
قامت تعرض لي بالايام والسود = ان قلت قفت عودت لي وردت
وان قلت هانت بالحشاجابت الزود = وجاحت خفايا ضامري واستجدت
وزادت جروح القلب بجروح والهود = ودنياي مالت عن سنعها ولدت
والعين كن بنونه ملح بارود = على السهر كل اليالي تحدت
تسهر وبعض الناس هجاع ورقود = وهي تبي فرقاه ما فيه لدت
ونشدت يا تركي عن اللي بهم جود = قالوا ضعون اهل المروات مدت
العدل من شدو مع الناس مفقود = وبافعالهم عمسين الاريا تقدت
اقفوا عن الدنيا هل الخيل والقود = اللي فضايلهم على الناس بدت
الناس باليام طارد ومطرود = يا ليتها باهل المروه تحدت
وطير الفلاح اللي عن الصيد مردود = عقبه تبوع علمت واستهدت
اشوف ناس عندها الحقد ماجود = ونفوسهم عن كل عليا تردت
العدل في ساحاتهم صار مفقود = وعن الفضيله جنبت واستردت
ما يرفعون النفس عن كل مفقود = ان ما تعشت عرضها له تعدت
تعطي عن العليا محاريف وصدود = ووجيهم ما قيل بالجود ندت
الشاعر / محمد بن أحمد السديري ( رحمه الله )
[/poet:da992b62a4]
قصيده للشاعر محمد السديري
العرض العادي
