قصيده جديده للشاعر :مدغم ابو شيبه.
يهديها للشاعر :محمد بن الذيب .
راكب اللي موديلاتـه بكـل بـلاد
........................... تنتشر فيه من بحـره الـى بـره
لكزس ٍ قيمته سبع رزمات جـداد
........................... تحمل اسم المليك وتحمل صـوره
اريحي ٍ على المـرواح والمعـواد
........................... كنه بيبتسم في وجـه مـن مـره
لو تثبـت علـى كبوتـه البـراد
........................... ماتحرك من الوادي الـى الحـره
منحره ثوب امير في حدا الاعيـاد
........................... زر عـبـده كباكـاتـه ولا زره
كم حصاة ٍ الى من السراب انقـاد
........................... من خلاف كفراته جالهـا صـره
ان حذفها الامامي عودت من غـاد
........................... وان حذفها الخلافي جـات مفتـره
يوم طول مسيـري يمـة المسنـاد
........................... والسما في العيون اصغر من الذره
حالف اني لااتله واتـرك العـداد
........................... فـي حياتـه يمـره يـوم مامـره
من شمال النظيم وشرقي الاستـاد
........................... كل عشرين متر ٍ يفـر لـه فـره
لين اعاين بعيني قصر ابـو هنـاد
........................... سارياتـه وقـوف وبابـه يـدره
يدخلونه جموع ويطلعـون افـراد
........................... نصف اثاثه ماغير اصحون واسره
ذا يصبح صباح وذا هجد مهجـاد
........................... قافلات ٍ من اقصى الارض منجره
المعاريف ليديـن الرجـال قيـاد
........................... من رجى خير ربي يتقـي شـره
له عليه ذلوليـن برسـن وشـداد
........................... وحدة ٍ من عمان ووحـدة ٍ حـره
ويوم شانت وانا ماعاد لي مقعـاد
........................... والقـدم حايـره والكبـد محتـره
عادهـا مرتيـن ومرتيـن وعـاد
........................... قبلهـا مرتيـن وبعدهـا مــره
كن يديه اربع والاربع على استعداد
........................... كل يـوم تقـص السيـل بالجـره
ذي تقدم شـراب وذي تقـدم زاد
........................... وذي ترد السـلام وهـذي تشـره
لاعطت غيرهـا يوميـة الكـداد
........................... اليد اللي تحوش المـال وتصـره
شرعت خزنة التمويـن والامـداد
........................... وانهمـر جودهـا ياقـوتـه ودره
مايجاري عطاها ابنا وابا واجـداد
........................... لو رقت بالحبال الكوكـب الـدره
لاتنشد عـن اللـي مابـي نشـاد
........................... في سوالين تقـدر تكتشـف سـره
ليه خلان ابو راشـد بـلا تعـداد
........................... لانهم كلهـم عاشـوا علـى بـره
وليه ماشفت له لا اعداء ولاحسـاد
........................... لانهم كلهـم ماتـوا مـن الحـره
اعتبرني وانا اعتبره كما المعتـاد
........................... مثل اخوي الكبير اضر من ضـره
بينوا راس غرامـه وانـا السـداد
...........................لعنبوا من يعـود ماغسـل مـره
اعرف الذيب والا خلفـة الاجـواد
........................... مايعرفون راس الذيب مـن خـره
كل مامات واحـد قالـو استشهـاد
........................... والشهيد الصحيـح محمـد الـدره
ظل صدام ماظلـل علـى بغـداد
........................... وهو ظله على العجمـان والمـره
ياوجودي وهي فرصـه ولاتنعـاد
........................... وان غدت يافري جيبـي وياطـره
ياكثـر ماتجمـل بــي ولله راد
........................... استطيع اتجمـل فيـه ولـو مـره
المصدر: منتديات النخبه vip
قصيده جديده للشاعر :مدغم ابو شيبه. مرسله لابن الذيب
العرض العادي
