الشعر هذا اليوم نوخ رحالـه=توه يروق الشعر ويزين جوه
في مدح شيخ كل ما جا مجاله=لازم بطيبه كل شخص ينـوه
الطيب كنه واحد من عيالـه=بينه وبين الطيب ياناس خوه
تنفق يمينـه ماتعلـم شمالـه=طيبه سحاب ضلل القاع نـوه
وقت الشدايد حظ منهو لجاله=لانه لجا لراعا الوفاء والمروه
من قلده ياناس ما زان فالـه=توه يقلد راعي الطيـب تـوه
الشايب اللي فيه طيب وشكاله=كفاه ربي شر وقتـه وسـوه
يروق لا شاف المسايير بالـه=ويشعم علشان المسايير ضوه
وينفق ليا شاف النشاما حلاله=مثل الجبل من قاعه الى علوه
جبل مراجل فيه عز وبسالـه=يفداه من لسم المراجل يشـوه
يقولها اللي يفتخر دام خالـه=مناحي اللي فيه طيب ومروه
|
العرض العادي
