ياخاطر للشاعر سلطان الهاجري

[الأمير السنافي]

إن جيت ياخاطر عسى الله يحييك=على الشحم ومبهرات الدلالي
عند الرفيق اللي يعزّك ويغليك=حيثك ولد عودٍ عزيزٍ وغالي
وإن رحت ياخاطر فلا عندنا فيك=تغيب عنّا شهور ولاّ ليالي
خذها على الذرعان منّي وانا اخيك=الكذب ماهو من سمات الرجالي
لاراجي غيرك ولاني براجيك=وفي كل ميراد طوال حبالي
افتل واحل معقدات الشرابيك=واشيل ماشالت ظهور الجمالي
ياما تصعلكنا وصرنا صعاليك=وياما تحمّلنا الحمول الثقالي
للمرجلة صرنا عبيدٍ مماليك=وكفوفنا تندى من أول وتالي
لو كان مانملك رصيد على شيك=وجيهنا عند النشامى طوالي
نشوم عن هذي ونلهي على ذيك=وماحاشت ايدينا ماهو راس مالي

[فذكر..!]

قصيده جميله جداً وانا يستوقفني هذي البيتين وهم أكثر بيتين اعجبتني
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
للمرجلة صرنا عبيدٍ مماليك=وكفوفنا تندى من أول وتالي
لو كان مانملك رصيد على شيك=وجيهنا عند النشامى طوالي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
ومشكور على النقل

[الأمير السنافي]

فذكر مشكور على مرورك العطر وهذي هدية لك

[ابوشوق]

لو كان مانملك رصيد على شيك=وجيهنا عند النشامى طوالي
قصيده رائعه صح لسان قايلها...الله يعطيك العافيه على النقل تقبل مروري..

[الشلهوب]

الامير السنافي
الله
يعطيكـ العافيهـ يالغلا

[الكاسر]

نشوم عن هذي ونلهي على ذيك=وماحاشت ايدينا ماهو راس مالي

صح لسان الهاجري
ومشكور أخوي الأمير على النقل

---

تم النقل لساحة القصائد المنقولة