لغز ( لا عظام ولا قوام )

[صالح مبارك المشعلي]

بنشدك عن رجل نظير لا عظام ولا قوام=واليا أعتدل له وقفة بين المناكب والقدم
أما مثل ريش الصقر والا مثل ريش النعام=تلقاه في دار العرب ما هوب في دار العجم

صالح مبارك المشعلي

[مناحي معدي المسردي]

اولا ارحب يابو مبارك في منتداك وبين اخوانك
الحل والله العالم انه (البشت )

[ابوخالد]

ارحب يا ابومبارك..

مابعد قول ابومعدي شيء..

وانا في رايه..

[أبو محمد]

ارحب يابو مبارك والله يحييك في منتداك وبين اخوانك ويشرفنا انضمام شاعر بحجمك
وبالنسبه للغز مثل ماقال ابو راكان (البشت) وينطبق كذلك على الثوب
اذا ماني بغلطان مع اني حاولت في عبدالله يوضح بعض الشي ولكن عيا على علمه

[صالح مبارك المشعلي]

اقتباس: المشاركة الأصلية كتبت بواسطة مناحي معدي المسردي     اولا ارحب يابو مبارك في منتداك وبين اخوانك الحل والله العالم انه (البشت )

أبو راكان صح لسان الحل صحيح هو البشت

[صالح مبارك المشعلي]

اقتباس: المشاركة الأصلية كتبت بواسطة ابوخالد     ارحب يا ابومبارك.. مابعد قول ابومعدي شيء.. وانا في رايه..

أبو خالد

الله يسلمك وأبو راكان ما خلاه يوقع ما شاء الله عليه

[صالح مبارك المشعلي]

اقتباس: المشاركة الأصلية كتبت بواسطة أبو محمد     ارحب يابو مبارك والله يحييك في منتداك وبين اخوانك ويشرفنا انضمام شاعر بحجمك وبالنسبه للغز مثل ماقال ابو راكان (البشت) وينطبق كذلك على الثوب اذا ماني بغلطان مع اني حاولت في عبدالله يوضح بعض الشي ولكن عيا على علمه

أبو محمد الله يبقيك وكلامك صحيح
والله يسلمكم جميع