الشاعر الكبير / خالد بن مدعث
على كسب الشرف محدٍ ,,, شمتنا لو انّـا فيـه ولا منـه متنـا
.................................................
الى شفنا الرجال اهل المعـزه,,, سعوا للعز حنـا ويـش نتنـا
واذا منّـا بننصـا كـل عليـا,,,, تعدتنـا المعالـي مـا نصتنـا
................................................
.يقولون الجهات اربـع وحنـا,,, عن الاربـع تكفينـا جهتنـا
لو انّا عن علوم الغيـب نعلـم,,, توجهنـا وعرفنـا مصلحتنـا
.................................................
وحنا جبال مهما الارض قامت,,, تزلـزل تحتّنـا تبقـا تحتنـا
بيوت الذّل لـو تكبـر ذليلـه ,,,, ولـو انـا مدحناهـا هجتنـا
................................................
و.بيوت العّز لو تصغر عزيـزه,,, حمـاك الله يابيـوت ربتـنـا
وليا من قدرونا اهل المعرفـه,,, على قصار الشوارب ما التفتنا
................................................
.وربّ ضـارةٍ منهـا منافـع,,,, تجينـا مادرينـا كيـف جتنـا
ياكم من مزنةٍ تردف عجاجـه,,, ليـا قفّـت عجاجتهـا سقتنـا
................................................
.لو الانسـان فالدنيـا مخيّـر,,,, ربحنـا فاولتـنـا واخرتـنـا
ولو الارزاق توخذ بالسوالف,,,, قضينا العمـر كلـه ماسكتنـا
.................................................
لو الارزاق توخذ بالغصايـب,,,,, عصانا فـي يدينـا ماعصتنـا
تدابير القـدر خيـره وشـره ,,, تحت من بامره اصبحنا وبتنـا
......................
وصح لسان الشاعر
وطول الله عمره لانه كتب باصاله ونطق الحكمه
لكم التحيه’’
خوي المنآعير
|