أخواني الإعزاء
.
.
.
هذي قصيده للشاعر الكبير
حمد بن هادي المسردي
رحمه الله
يالله ياللي بيدك العز والجاه = ياللي لخلات المخاليق رافي
يا من خلل عبدك ليابان ترفاه = ياعالم ٍ غاية خفا كل خافي
ألطف بحال اللي تبهذل بدنياه = وداج بجميع أنحا النحايا وطافي
يطرد ورا حظٍ عليك أنت مشكاه = لا شك شاف من الزمان إختلافي
من كثر ماله ساروا الناس برضاه = ولو كان ناقص قالوا الناس وافي
ومن قل ما بيده ترى الناس تشناه = لو كان يسقيهم عسل قند صافي
فالمال كم ساس ٍ طمان ٍ وعلاه = والفقر كم حطم روابع سنافي
لا شك ما للعبد عن حكم مولاه = من خير ولا شر والرب كافي
ما كتب للمخلوق لا بد يلقاه = أما هزايم شر ولا عوافي
تحياتي للجميع،،،
.
.
ديوان الشاعر الكبير/حمد هادي المسردي
العرض المتطور
