اخواني الأعزاء
السلام عليكم ورحمة الله وبركاته
الشعر كما يقال ديوان العرب ويقولون الاولين القصيد ثلاث
نقش حجر
قطف زهر
طرح بقر اكرمكم الله
ترا الحكا لأهل القلوب المصده =مثل المطر فوق السحال المجفاه
ويقول الاخر
ترا السوالف يافطين الرجالي =تسمج اللى عرضت على غير اهلها
وهنا سوف نورد ابيات جزله لشعراء مختلفين ونختار لكم الاتي
يقول الشاعر /علي بن سعيد بن بلال شيخ ال محي ال فطيح يام
يمكن يسرك في الميه لابدا الشان=واحد ولاينفعك تسعه وتسعين
ويقول الشاعر/ ذيب عايض بن غيده العبيدي
الكلمة اللي تجربتها ضعيفه =ما هو بعيب تركها في الوريدي
انا اشهد بعض السوالف زهيده =والعين ما يفتح نظرها زهيدي
ويقول شاعر من قحطان قديم
حي على رجله وحي على جيش =وحي على خيل تلاوي الأعنه
ويقول الشاعر صالح بن راكان العنزي
ماينعدل اشعيب عرعر ليا سال = السيل عيا كود يتبع مجاريه
ويقول الشاعر الشيخ عون بن نملان الحبابي
حلفت ما ناسبة كل معيه = ولا على بنته لويت حجابي
لاصرت خطاب وجالك نيه= اشبح لبيضا من نسول اجوادي
ويقول الشاعر جابر بن محمد الغليسي ال مخلص المطلقي اليامي
اسمح لبن عمك خطاياه كلها = اللا ثلاث تفضحك لا مشا لها
اما ذبح عانيك ولا جويرك=ولا تعمد شوفتك ثم سرا لها
هاذي ثلاث يرخص الروح عندها = النفس لا بقيت ولا بقي مالها
ولا تاخذاللي طلقت ثم طلقت =ولا تاخذالرملا على شان مالها