ركن الباديه << قصص وقصائد من الماضي

[الكاسر]

بسم الله الرحمن الرحيم

السلام عليكم ورحمة الله وبركاته

تدور أحداث قصتنا عندم كان الشاعرين سعيد بن جبران بن كناد وهو من الحرقان عبيده
وسالم بن مبارك ال عاطف وهو من ال محمد ال سليمان الجحادر
في رحلة قنص بمنطقة نجران واوقفا سيارتهم قبل الدخول في شعب ونزلوا يقنصون .

ولما عادا الي السيارة وجدا عليها ورقة مكتوب بها هذه الابيات

ويش علمكم ياللي بذا الشعب وازين=عدوان والا اصحاب يا من حضنها
رجال يـام لهـم سلـوم وقوانيـن=ربع بشهب المـاو تحمـي وطنهـا

وكانت البيتين للشاعر

عوض بن عثمان ال مخلص الوعلة









فرد الشاعر سعيد بن جبران يقول:

يـا ناشـد عنـا فحنـا قحاطيـن =وربع يعدي عـن لحاهـا طعنهـا
من فعلنا تهجد جميـع الشياطيـن =لي صاح راعي الذود باول ظعنهـا
ننهل حياض الموت ولنا براويـن =والنفس في الماجوب يرخص ثمنها
ذربين ولا حنا علي الشر عجليـن =وعطبت يدين شقهـا فـي بدنهـا
ونمشي على وضح النقا والقوانين =ونسجها من شامهـا لـي يمنهـا

[جعفر ابن شري]

مشكووووووووووووور ياالكااسر الله لايهينك

[الكاسر]

القصيدة للشاعر / سليمان بن شريم علم من أعلام الشعر الشعبي
نصيحته لابنه يعرفها القاصي والداني

وإليكم القصيدة

يــا مــل عـيـنٍ فـــي محاجـيـرهـا شـــوك=والـقـلـب بـــه عـــن لـــذة الــنــوم تــكــاك
لا دك فـــي قـلـبـي مــــن الــهــم داكــــوك=جــاوبــت طــربــان الـحـمـايـم والاديـــــاك
عــزي لـحـالـك يـــا عـزيــز وانـــا ابـــوك=كـــان الـزمــان الـلــي وطــانــي تــوطــاك
امــشــي وكــنــي يــــا عــزيـــز بـتــابــوك=فــي حـبـس جـبـارٍ تـحـت حـكــم الاتـــراك
عـلــى عـشـيـرٍ دونـــه الـبــاب مـصـكــوك=مـــــا غــيـــر امـــــره واتــعـــداه مــنـــاك
بــابٍ وراه حـــروس مـــا هـــو بمـفـكـوك=ومـــبـــرزٍ دونــــــه مــكــايــن وشـــبــــاك
وبقيـت انــا فــي حـضـرة الـوقـت ممـلـوك=دولــــة زمــــانٍ بــيــن جـــــاك وتــعـــداك
افـهــم وصــاتــي يـاعـزيــز وانــــا بــــوك=دامـــك صـغـيـر وغـايــة الـعـلــم يــقــراك
تــــراه مــــا يـنـفـعـك خــالــك ولا خــــوك=لا صـــار مـــا تـقـضـي لـزومــك بيـمـنـاك
وربـعـك الــى بــان الخـلـل فـيـك عـافــوك=اقــرب قـريـبٍ لــك مــن الـنــاس يـشـنـاك
ان كـثـر مـالـك صـدقــوا لـــك وطـاعــوك=وان قـــل مـــا بـيـديـك شـانــت سـجـايــاك
لـو تطلـب المـا عندهـم كـان مــا اسـقـوك=ابـعــد مـــزارك عـــن وطـنـهـم ومــربــاك
ان جـــاد حـظــك صــدقــوا لــــك وزاروك=وان بـــار كـــلٍ مـــا يـبــي غـيــر فـرقــاك
والى اعترض لك من صروف النيا صوك=كــــلٍ تــبــرا مــنــك مــــا هـــــو بــويـــاك
وهـراجــة المـجـلـس الـــى جــيــت وروك=مـــنـــازل تـــطـــرب نــظــيــرك بــدنــيـــاك
والـــى قـضــوا مـنــك الـلــوازم وخـلــوك=تفـرقـوا وانـــت احـتـمـل كـــل مـــا جـــاك
كـنــك ســــراج الـبـيــت لـلـنــور شــبــوك=والـى قـضـى الــوارد حــدا الـربـع طـفـاك
والا كـمــا لـيـمـونـة الـحـمــض مــصــوك=والـى قـضـى مـنـه الطـعـم فـرغـوا لــذاك
واللـي يجـي مــن رفقـتـه ريــب وشـكـوك=احـــذر عـنــه لـيــاك تــصــدق بـمـســراك
والــى جـفـوك اهــل الـوطـن واستخـفـوك=قـلّــع غـريـسـك مـنــه واهــــدم ركــايــاك
تــراك لــو تنـجـع عـلـى الـرجـل صعـلـوك=احـسـن مــن الـلـي تلتـجـي لــه ويـاطــاك
عـطـهـم وضيايـفـهـم الـــى مـنـهـم جـــوك=وغــلّــق ضـمـيــرك لا تـعــلــم بـقـصـيــاك
وخـدمـتـك شـيــخٍ كـنــك الـعـبــد مـمـلــوك=يـامــرك فـيـمـا يشـتـهـي وانــــت يـنـهــاك
اعـــرف تـــراك مـبـرقـعٍ مـنــه مـشـبــوك=حــدّرك فــي حـبــل المـهـالـك ولا ارقـــاك
واصـحــا لـخــلان الـرخــا لــــو تـغـالــوك=اعـرف تـرى اطيبهـم الـى احتجـت يجفـاك
كـنـك خـــوي مـقـيـط دهـــووك واغـــووك=وحـقـك عـطـاك رشــاك واقـفــى وخـــلاك
واحـذر عـن العيلـه تـرى الـحـق مــدروك=مـثــل الـعـمـل يـــدرك مـــا مــنــه فــكــاك
وان كـان عدوانـك علـى الضـيـق حــدوك=اخــصـــم طـلابـتـهــم بـعـجـفــاك وقـــــداك
وان كـانـهـم لـمـشـرّف الـحــق مــاشــوك=نـاظــر مـطـالـيـع الــفــرج قــبــل مــبــداك
وان طـوعـوا شيـطـان الانـفـس وهـانـوك=فاصـبـر عـلـى البـلـوى ودفـنــت رزايـــاك
زرهــــم تــــراك الـــــى تـوانــيــت زاروك=امــــا بــديــت بـصـاحــب الــســو يــبـــداك
مـادامـهــم مـاطـاوعــوا لــــك وعــرفــوك=اضـرب علـى الكايـد الـى عمسـت اريــاك
لـــو هـذبــوك مـــن المـصـايـب وضـــدوك=مــــا يـذبـحـونـك قــبــل تــدنـــي مـنــايــاك
واحلـم عـن الجاهـل تـرى الحلـم مـبـروك=وقـم للضعيـف اللـي مــن الضـيـم ينـخـاك
وادمــح خـطـا جـيـران بيـتـك الــى اوذوك=تــرى القصـيـر وحـرمـة الـجــار بـحـمـاك
عـطـهـم رواتـــب حـقـهـم لــــو تـنـاســوك=فـــي كـــل مـــا يـصـلـح لـديـنـك ودنــيــاك
وقـم للضيـوف الـى عنـوا لــك وضـافـوك=اغــلــى كـرامـتـهـم حـجـاجــك وبــشــراك
واعرف ترى ما لك من الضيف مشـروك=لـــولاه يـطـلــب حـاجـتــه فــيــك مــاجــاك
وقــم لـلـرجـال ان ريـعــوا لـــك وحـبــوك=واحـشـم خـويــك واكـرمــه عـنــد مـلـفـاك
والــى اعتـبـرت بـسـيـرة الـنــاس كـفــوك=مـــا كـثــر مـــن شــــي تـعـبـتـه وعــنــاك
ولا تــبـــات بـــهـــم دنـــيـــاك مــضــنــوك=مــا طــاب لــك مــادام لـــك وافـتـهـم ذاك
لـو يطلبـون اخفـايـك الـنـاس مــا اخـفـوك=والـرجـل مـثـل النـجـم فــي كـــل الافـــلاك
وصـــلاة ربـــي عــــد الاوراق والــشــوك=مـــا نـــاض بـــراق ومــــا هــــل ســفــاك
عـلـى الــذي مــا فـيـه ريــب ولا شـكــوك=مــحــمـــد مـــــــادك بـالــقــلــب دكــــــــاك

[أبو محمد]

لاهنت يا لكاسر 0000000000000

[جعفر ابن شري]

يع طًٍُيًٍك العافيٍُِه يا الكاسًٍُر

[جعفر ابن شري]

بسم الله الرحمن الرحيم
السلام عليكم ورحمة الله وبركاته

سالفة وقصيدة كانت بنت ابن سعده من آل روق قحطان ترعى ابلها وذات يوم أغار على الحي قوم واستاقوا ابلها فلم تتمالك نفسها وجعلت تلوح بخمارها وتصيح فلحق قومها خلف القومالمغيرين وكان من بين جماعتها الذين لحقوا خلف القوم لفك الابل الفارس مجري ابن ذيبان آل روق والفارس محمد بن رثوان آل روق قحطان وكلاهما من فرسان آل روق المعروفين 0

فجعلت البنت تنخا محمد بن رثوان قائلة : محمد يا راعي البل : فكر محمد بن رثوان ومن معه من فرسان آل روق وأفتكوا ابلهم من الغزاه , وهو القائل :

انا هاضني فالظهر صيـاح ريبـه

ومالٍ غدوا به ذاهبيـن الحمايـل

يامرقب الخفـرات لعلـك الحيـا

يجيـك مـن نـو الثريـا مخايـل

حيثه نطحني فيـك بيضـا عفيفـه

تنثر على الامتان سمـر الجدايـل

تزهم وتنخا فـي رجـال القبيلـة

مـن حـب ذود لبسوهـا شمايـل

تقول ذودي يا محمـد غـدوا بـه

اللي لهم شهـب السبايـا رحايـل

الصوب الايمن شبوا النار دونهـا

والصوب الايسر ماكسب له جمايل

حلفت يا ذودك ما يروحـون بـه

الا ان راسي من على الخيل زايل

اخاف انا من هرجة وسط مجلـس

اليا سولفوا ما بين عـي وعايـل

ابوكم قوم مـا عرفتـوا وسومهـا

وسومهـا علـى جنوبهـا دلايـل

وقال :

تكفين يا هيفـا نسيتـي سيفـي

عطب الضرايب لزهمته جـاب

ماني بنقاله لهو شـات مجلـس

حريم وورعـان لهـم ضبـاب

سيفي إلي مني ركبت اشمـره

وشافها فـوق الغبيـط عـذاب

أورده لعيون من يفتخـر بـي

اللي تماري بـي بيـن لجنـاب

اسر عين اللي يمـاري بفعلـي

واحط في عين الحريب احراب

اركب على اللي كنها درج المها

واجري الهايـب لمنـه هـاب

ترعى بنا العرى ويبـدي نيهـا

غصبٍ على تركي واخوه عقاب

[جعفر ابن شري]

قصة: كان في ماضي الزمن جماعة جالسين في مجلس الفارس تركي بن سعد بن جليغم ومن ضمن الجماعة الجالسين رجل يدعى منيجل بن ناصر الفهري القحطاني وهو من جماعة الفارس تركي وفي أثناء حديثهم طلب تركي بن جليغم من جميع المتواجدين في المجلس أن يتحدث كل واحد عن قصته التي قد حصلت عليه وكل قام بالتحدث عن قصته للجالسين وعندما وصل دور الحديث إلى منيجل قال لا يوجد لدي قصة يجب التحدث عنها وأنا أكثر ما يدور في راسي كلمة "تقاربوا" وهذه كلمة دارجة عند رجال البادية في حالة تقديم الوجبة للضيف ويستخدمون كلمة تقاربوا عندما يكون العدد كثير حتى يتسع لهم المكان وقال الفارس تركي أنت الذي حكيت عن القصة المحببه عند الجميع وكان الكرم في ذاك التاريخ له دور لا يقل عن أهمية الشجاعة نظراً لصعب الظروف وحاة الناس إليه وقد قال تركي قصيدة في منيجل لما عجب به من قصته لم نعثر منها إلا على الأبيات التالية :

ما يستحق المدح وكثر الا دبـاش

يكون مثـل منيجـل بالوصايـف

وجهه إذا جوه المسايير بشـاش

ويشب ناره في الظلال المهايـف

ويفرح بخطار الخلاء لاكبا اللاش

إذا لفوا بعد القسـاء والكلايـف

عنده عشاهم من سمينات الاكباش

بنفس كريمة ما وراها حسايـف

قصة القناص :

إن الماضي كان حافلاً ببعض المواقف التي تدل على عدم التورع عن السلب والغزو وأخذ كل شئ تقع عليه يد الشخص إذا كان قادراً على الوصول إليه من مال أو سلاح و غيره إلا أنه كان رغم ذلك كانوا يحافظون على العهد والشيم وعلى الكلمة حيث أن الرجل إذا أعطي كلمة عإنه يلتزم بها مهما كلفه ذلك وكان هناك قصه حصلت لشخص من سكان قرى نجد حيث هذا الرجل يملك بندق ودائماً يقنص بها في الجبال ويصطاد من الصيد مثل الظبا والوعول التي كانت بكثرة في منطقة نجد حين ذاك وكانت بندقيته تساوي عنده نفسه لأنها عدته التي يعتز بها كانت البنادق لها قيمتها عند الرجال في ذلك الوقت وفي يوم من الايام سرى في منتصف الليل من اجل ان تظهر الشمس وهو في المكان الذي يريده والذي يودد فيه الصيد الا انه كان هناك مجموة من الرجال كانوا يقنصون لا لصيد وانما كانوا يقنصون للمكاسب مثل الابل والخيل وغيرها من المكاسب الاخرى التي يردونها وبينما هم في وادي بين جبلين يقال له ام فرقين واذا بالرجل مقبل عليهم من اسفل الوداي ومعه بندق وقالوا في نفسهم هذه البندق التي مع هذا الرجل هي اغلى مكسب في هذا اليوم واخذوا يترقبوا اقترابه منهم وحينما اقترب منهم باغتوه وامسكوا به واخذوا البندق منه وبعد ما عرف انه وقع في ايدي رجال لا قدره له بهمظ قال لهم اتركوني واعطوني بندقي واعطيكم الذي تريدونه الا انهم لا يفكروا في مكسب احسن من هذا البندق واخذوا البندق واخلوا سبيله وكانو قؤلاء الرجال من جماعة ابن نومه عبدالله بن وازع بن نومه شيخ قبيلة العرجان قحطان وكان بعض قرى نجد يحطون لهم خاوة عند مشايخ القبائل وكان عبدالله بن وازع بن نومه عنده خلوه اهل هذه القرية التي هذا الرجل من اهلها والمقصود من الخاوة انه اذا حصل على احد من رجال هذه القرية اتداء من قبل جماعة هذا الشيخ فانه يرده عليهم واذا جاء احد من جماعته لهذه القرية فانهم يعطوه الذي يريده من طعام وغيره واخذ صاحب البندق ينشد من هؤلاء الرجال ال1ين اخ1وا بندقه فقيل له ان جماعة ابن نومه هم ال1ين فروا من هذا المكان فلربما ان هؤلاء من جماعته فاخذ يترقب ربمبا انه يجي احد الى هذه القرية لكي يرافقه لايصاله الى ابن نومه وفي يوم من الايام قدم ابن نومه نفسه الى هذه القرية لكي يا خذ حاجته منها وحينما اراد الخروج جاء اليه صاحب البندق وقال اريد ارافقك الى اب2ن نومه فقال له حياك الله وهذا الرجال لا يعرف ابن نومه لا يعرفه الا انه من اهل هذه القريه واهل هذه القرية لهم رفق معه وكذلك لا يعرف حاجته التي خرج من اجلها وفي اثناء الطريق اخبره الرجل بقصته وابن نومه لم يعرفه على نفسه وحينما وصلوا جماعة ابن نومه عرف الرجل ابن نومه وقام ابن نومه وحضر له بندقيته فقال صاحب البندق انا عندي قصيدة اريد اسمعك اياها فقال ابن نومه تفضل والحمد لله اننا ردينالك بندقك قبل ان نسمع قصيدتك 0

يا جر قلبي يـوم قابلـت الاوتـاد

جر الرشاء اللي مسنويـه بعيـدي

يا بندقـي مـا عدلـي بالتبـوراد

كن البنادق فـي عيونـي جريـدي

يا نبدقي يفـرح بهـا كـل طـراد

لاهج منه الصيـد واقفـي بعيـدي

مسرى سريته لام فرقيـن لاعـاد

وانا حمد المولى على مـا يريـدي

بشكي على بن وازع فرد الاضماد

الي نهار الهوش يـروي الحديـدي

يامروى الشلفاء مـن دم الاضـداد

بمصقلات الهنـد هـي والوديـدي

تبقى له البيضاء على رؤس الاشهاد

وعندي على الخاوة شهود واكيـدي

[الأمير السنافي]

الطالبة الجامعيه ترد على زميلتها بهذه القصيده!!!!!

هذه القصه حدثت فى احدى كلياتنا بالمملكه لطالبه وزميلتها والقصه هى:

يقال ان احدى طالبات الكليه كانت تسكن فى احدى القرى وكان يغلب عليها

طابع البداوه من حيث لبسها لقلة ذات اليد ، وكانت من المتفوقات فى دراستها

وذات يوم مرت احدى الطالبات ورأتها فقالت شوفو البدويه فحازت هذه الكلمه

فى نفس الطالبه فلما وصلت بيتها كتبت هذه القصيد ه التى هى حقاً رائعـــــه

وهى مايلى:_




ايــــــــــــه ابدويه ريحتى بن وبهـــــــــــــار

.................................................. .... هذا شرف مــــــــــــاهو بحقى خطيـــه

انـــــا ابدويه بنت حرِ مــــــن احـــــــــــرار

.................................................. ... فزعـــــــات ربعى بالشدايد قـــــــــويه

انــــا هلى يابنت وافيـــــــــن الاشبـــــــار

.................................................. ... كــــــانك جهلتى من انـــــا ياغبيــــــه

ياجاهــله ماتغذى الشمـــــــس الانـــــــــوار

.................................................. .. حنـــــــــا كما شمـــس على الارض ضيه

حنــــــا هل الطولات هيبـــه ومقـــــــــــدار

.................................................. حنـــــــا مثل للشــــــــــرف والحمـــــــيه

حنـــــــا الطنايا للكرم رمز وشعـــــــــــار

................................................ حنـــــــــــا خوي مــــــايخلي خــــــــــويه

الذيــــــب يوم انه عـــوا وسط الاسعـــار

............................................. عشـــــــــــــــوه ربعى من سنين مــــــديه

يــــــــوم ان جدك وثق القفل بالــــــدار

............................................ بيـــــــــت الشعـــــر مفتوح صبح وعشيـــــــه

للضيـف ريف للمعـــــادين جبـــــــــار

.......................................... نـــــــــــــــرد العياض ولانهـــــــــاب المنيــــــه

يابنــــت لو بكتب من اشعار واشعار

......................................... تعجـــــــــــــز معانى حــــروفى بجــــــــــديه

اللعب خـــــلى اللعب لعيال شطــار

...................................... لاتدخلين السيـــــــــــــــــل وانتى نـــــــــــديه

[فرج بن محمد بن زويح]

بيض الله وجه راعي الفكرة
أنا أشهد إنها تنحسب لحسابه
فكرة جميلة ومواضيع أجمل وأعدكم بالمشاركة قريباً

[الأمير السنافي]

السلام عليكم
وشلونكم

دايم اذا كان فيه احد حولكم ثقيل
طينه ودبلت كبد سوائاَ كان
عندكم فالبيت أو معاكم فالعمل
وتكرهونه لثقل دمه او لبجاحته يعني نشبه بالعربي
إذا راح وش تقولون ؟؟؟ بتقولون واحد من الاختيارين
1- عساك مهف مقيط ورشاه
2- في قلعة الوادرين

هههههههههههههههه
هههههههههه
هههههه
ههه

المهم وهذي قصة مقيط ورشاه

هذا طول الله عماركم كان في شاب اسمه مقيط وكان (بدوي) <------- الاسم خير برهان
المهم انه كان يحب صيد الصقور وتربيتها 0 وطبعأ كان يصتاد فراخ الصقور
واللي يحصل عليها في الجبال والاماكن الوعره لأن غريزة هالفصيله من الطيور الجارجه
تضع اعشاشها في الاماكن الوعره 0 على شان يصعب على الانسان الاقتراب منها
وطبعاً هالكلام هذا مايمشي مع مقيط وربعه 0 المهم ان فروخ الصقور لها انواع
منها الطيب --- فل ابشن درجه أولى --- ويسمونه (النادر) واللي بعده يسمونه (اللزيز) وهو مرغوب عند الصقارين وفالمرتبه الثانيه
واللي يليه بالجوده يسمونه (التبع) وهذا اللي صيدته خساره يعني ماهو مرغوب بالمره
الوكاد ان اخونا مقيط اتجه مع واحد من ربعه ناوين يصيدون هالفروخ - ومثل ماقلنا ان هالعمليه
لازم يكون فيه واحد ينزل بحبل (الرشا) والثاني يسحبه لأن وكر الصقر في مكان وعر
نزل مقيط بالحبل وكان خويه فوق وماسكله الحبل وينزله بشويش 0 كانو متفقين على ان النادر
من حصة زميل مقيط وان اللزيز من حصة مقيط 0
نزل مقيط وشاف الفروخ الثنين 0 نادر ولزيز 0 دخله الطمع الخبل بعد ما اعجبه الفرخ وقام يكلم خويه اللي فوق قال ترا النادر لي
قال خويه لالا حنا متفقين ان النادر لي انا وانت يامقيط لك اللزيز قال لا النادر لي وبعد ما فقد الامل من اقناعه قال هارح انت ورشاك وحذفه
وتمزقت اشلاء مقيط للأسف بسبة طمعه وغبائه هههههههه,,وصاروا يقولون

(( يالله عساها هفة مقيط ورشاة ))

وسلامتكم