يا حضرة الشعار خافوا من الله= بعض الشعر ظلماً وزوراً وبهتان
لا تحولون الشعر في غير منحاه= ويضيع حق فلان في ذمة فلان
ما كل من جيّر له المدح يزهاه= ثوب العراء ما يكتسي منه عريان
المدح للي عز دينه بدنياه=حافظ على كل الفرائض والأركان
والمدح للي طاب ساسه ومجناه= يذكر ليا ذكروا هل الصيت والشأن
والمدح للي جمله فعل يمناه=اللي لامنها بانت للازمه بان
واللي جمعها كلها ما له أشباه= ترجح موازينه على كل ميزان
والوقت يظهر للرجال المخفاه=وخرص العوادي مثل شوف بالأعيان
موروثنا اللي من قديم ورثناه= مثل الأمانة والأمانة لها شان
يا جاهل عيوبه وجاهل مزاياه= بعطيك موجز عنه والخد ميدان
البيت مثل البيت ساسه ومبناه= والبيت ما يبنى على غير سيسان
تلقى الخلل في سقفه وفي زواياه= لو ما تفقدت القواعد والأركان
وثلاثة أركان عن النقد تحماه= باعدها من دون زود ونقصان
احرص على وزنه وقافه ومعناه= وأسند معانيك بدلائل وبرهان
ما فيه قول ما الرجال بتقفاه= ويعدلون الميل لا صرت غلطان
ولا ني بمسئول عن الشعر وحماه= ولكن الساكت عن الحق شيطان
عبدالله المشعلي
التعديل الأخير تم بواسطة عبدالله المشعلي ; 16 / 01 / 2012 الساعة 22 : 09 AM
الصدق مبدا طيب الوجه والجاه =ويعد علمه بين ذربين الأيمان
في طبعه ونهجه وقافه ومبداه = مثل الذهب مايختلف طول الازمان
لاهنت يابو محمد على القصيده وهي خارطة طريق لشعراء المدح والمبتدين أتمنى من الشعراء التمعن في معانيها 0000000000000000000000000000000000000000000000صح السانك
يا حضرة الشعار
العرض العادي
