هذه القصيده في الشيخ فهد بن حزام بن حناش اطال الله في عمره وما كتبنا فيه من قصائد لا نوفيه حقه
الطيب والعز والناموس والهيبه=اربع صفات في ابن حناش موجوده
حر كفخ ثم تعلا في مراقيبه=مواقفه في الزمن ماهيب مجحوده
فهد فهدلا عوى براس الجبل ذيبه=لا قال اخو معجبه ما تقرب حدوده
فيه الكرم والوفا والكل يدريبه=هداج تيماء يفيض ويروي وروده
وان شان وجه الزمن وارخى مخاليبه=يقلط لها شايب ما تبرد عضوده
وان صار في العلم تشريقه وتغريبه=ابشر بفزعة فهد وابشر بمجهوده
هذاك ابو حزام لا جات اكبر مصيبه=ياطأ على خدها ويقدح من زنوده
بنات فكري تعشق الكفو من طيبه=ولا الردي يستوي عدمه و وجوده
والشعر لا صار ماهو في مواجيبه=يحسب على صاحبه في نقصه وزوده
وانا نصيت الجزل والهزل ماليبه=اخاف من شرهة العاقل ومنقوده