من قديمي عسى ان تحوز على رضاكم
مرت بي الذكرى وانا خاطري شين=ذكرى زمان(ن)فات عنا وولا
وهلت على خدي دموع من العين=كني غريب (ن)عن دياره مجلا
وناديت باعلى الصوت وين المحبين=اللي معاهم عيد كان يتسلا
اللي لهم بالقلب زرع وبساتين=ولهم معاليق الضماير محلا
واخص انا يابو فهد كامل الزين=اللي اليامن جيت رحب وهلا
ترحيبة اللي شايف له عزيزين=راع اشقر من فوق متنه تدلا
والصدر كنه ينتج الخوخ والتين=والخد براق(ن)بنوره تجلا
والعين فيها من عيون الشياهين=والمبسم اللي فيه ريق(ن)محلا
واللبه اللي كن فيها رياحين=من شمها يبطي وهو مسفهلا
مامثلها الهند والسند والصين=والمانيا وماليزيا وفنزولا
وارض العرب من ليبيا لا فلسطين=ومن الجزاير لا جنوب المكلا
ذكراي هذي عام خمسه وتسعين=معا غزال (ن)بالجمال يتحلا
واليوم انا ويني وهو ياهلي وين=ضاعت عناوينه ولاني بدلا