‗۩‗ من مساجلات المغفور له الشيخ جابر الأحمد الصباح ‗۩‗

[خيال القروى]

قصيده للمغفور له بأذن الله الشيخ جابرالاحمد الجابرالصباح وقد قالها رحمه الله
رد علي قصيدةالشاعرالراحل مرشد البذال حينما قام مرشد بتوجيهها اليه ...فكانت هذه المساجله بينهما .....

واليكم قصيدة مرشد البذال ....


لا والله الا ذعذعن الصفاري

....هب البراد وقربت نقلة الطير

ذكر الحباري له نخزر الحداري.

...اول عوانيها لقوها المداوير

كل اشقرٍ في تلة السبق ضاري

....متكسر قلبه علي الطلع تكسير

ذكرتهم مسري بهاك الغداري.

...مع جابر الأحمد طويل الأشابير

يابو مبارك ماطري لك طواري

....تحيـي الرسوم الأوله بالمظاهير

ياشيخ لاتنسي هذيك المساري

....يومك تصلي الصبح فوقٍ من الصير

تشوف فيه من العواين مواري

....تلقي جرايدهن بروس العثامير

كل ورا جابر بسيره يداري

....اهل الطيور للشيخ جابر مناظير

مااحلا مغداهم بعشب وخباري

.... باول طلوع النبت عشبه دواوير

وماحلا معاياهم بصوت جهاري

....الشيخ نشمي والجماعه مناعير

هذي طراة العمر قبل العزاري

....دنياك من غير الطرب مابها خير


( مرشد سعد البذال )




واليكم الرد



قولك تراه اليوم صــاير وجاري

..... الله يجزي ذيك الايام بالخـير

يامـا سـرينا يم ذيك الخبـاري

..... مجهامنا كل يوم مثل النواطير

مانعرف الـتـنتات هي واللواري

..... لهن دويٍ يشبهن الزنابـير

نمر بالريـضان خضـر قفــاري.

.... العشب زاهي مع فياضٍ مزاهير

لامن طلع مختار عقب المســاري.

.... في موقع مافيه جرة مظاهير

اوهد صوب الروض وسط النهاري

..... غمر وصفف ياحسين التصاوير

واليـا نزل عينه تشعشع بنـاري

..... نشوفهم جنب الذواري مخامير

مثل الملك جالس وحوله جواري

...... والله مااصخي بـه بخيشة دنانير

ماهمنـا بـرد ولا هوب ذاري

....... يوم ان للمقناص بالنفس تأثـير


واليوم كل واحد يصيد العفاري

..... والناس صاروا كلبوهم صقاقير

اصبر تشوف الطير فوق القواري

....... مطلعه راعيه مع سكـة الجـير

[مخـاوي الذيب]

مشكور اخوي خيال قروي على النقل الرائع

[خيال القروى]

هلا اخوي ابو هاجـــــــري

والله يعافيكـــ على تواصلكــ يالغالي

ارق التحاياا .

[عـــز الـــخـــوي]

لا هنت أبو ضيدان

الله يعطيك العافيه

[خيال القروى]

مرحبا والله ومسهلا

ياعـز الخوي

والله يعافيكــ يالغالي

اطهر التحاياا ..

[ساره المسردي]

:

عزيزي خيال

يعطيك العافيه ومساجله رائعه

ومشاركه متميزه

سجلت حضوري لاعجابي

دم بخير

:

ساره

[هايم الجرح]

مشكور ياخيال والله يرحم الشيخ جابر

[ناصر بن هذال]

لا والله الا ذعذعن الصفاري

....هب البراد وقربت نقلة الطير

ذكر الحباري له نخزر الحداري.

...اول عوانيها لقوها المداوير

كل اشقرٍ في تلة السبق ضاري

....متكسر قلبه علي الطلع تكسير

........................
ابيات رائعه وشوقتني للبر والمقناص والحقيقه البيت الاول ذكرني ببيت جميل لا اعرف قائله يقول:

هبوب الصفاري نسنت وأخلو االمقطان==وداري علي من نثرك الدمع ياعيني

[خيال القروى]

هلا الغاليه ساره

والله يعافيكـــ ومشكوره على تواصلكـ

ارق التحاياا .

[خيال القروى]

العفو ياهايمــ

وسعدني مروركــ يالغالي

ارق التحاياا