كـل ما شـفتهـا ضـاقـت علي الــدروب
قـلـت .. نفسي مـشـاكـيهـا على ربّـهـا
واحـد مـا هـو بـيـخـفـاه سـر الغـيـوب
عــالــم الــمــقـبــلات ومـا يـغــيــبّـهــا
كافـل ارزاقـنـا مجـري نسيم الـهـبـوب
والـتـوافـيـق لا هــبْ الـهــوى هـبـّـهـا
والقـنـاعه هـبـه من عـنـد ربٍ وهـوب
والـحـظـيـظ اللي من الـنـاس يوهـبّـهـا
وانت ربـك اليا حـبـك تصـيـر محبـوب
غــيــر لا تـكــره الـدنـيـا ولا تـحـبّـهــا
اولـتـهــا لـعــوب وتـالـيـتـهــا لـعـــوب
تـلـعـب بـهـا اكـثـر الـعـالـم وتـلـعـبـّهـا
والصغـيـر محسوب والكبيـر محسـوب
واخـرتــنــا لـنـا اعــمــالٍ نـحـاسـبّـهـا
والـبـنـادم مـعــرّض للخـطـأ والـذنوب
وان جــهـــل عـاقـبـة دنـيـاه يـذنـبـّهـا
المشـاتي شمالٍ .. والمصايـف جنوب
سـجّ رجلك شـمال الارض واجـنـبـّهـا
واختلاف الدروب من اختلاف القلوب
الـزمــان .. يـتـقـلــّب .. ويـتـقـلـبّـهــا
عبد الله المشعلي
عام (1440)