غابت ثمان سنين حـلّ وترحـال
غابـت ثمـان ٍ كلهـا مدلهـمّـة
سألت عنها سنين وشهور وليـال
ولافيه قطر غيـر وجهـت يمّـه
وعقب الثمان اللي تعبها برى الحال
جاب الزمان الكارثـة والمطمّـة
جاني ولدها مبتسم بيـن الأطفـال
ومن بسمته ذكرت أنا بسمة أمّـه
شفته وصاحت داخلي كل الآمـال
بصوت ٍ عجزت بكتم الأنفاس ألمّه
ركضت له ودمعي على الخد همّال
ومن كثر شوقي قمت بالحيل أضمّه
لحظة حضنته والطفل في يدي مال
شميت ريحتها على اطراف كمـه
وأستلهمت نفسي مقادير الأهـوال
تمّ الضّيـاع وأكّـدت لـي متمّـه
واليوم بنت الناس في بيت رجّـال
وحب على غير الشرف لي مذمّـه
لازم أعود وأشتكي لكل الأجيـال
بنفـس حزينـة كائبـه مستهمّـه
بأرجع غريب ٍسكّته شوك ورمال
يموت يحيـى يندفـن مـا يهمّـه
:wd2:
قال الشاعر فالح بن فضل الغيثي :
ياوريك عفـي جانبـك فـاح بنـك
حيثك مقر اللـي يدنّـن الاجـراس
عيـون البنـات ملزمـن يرتعـنـك
بوجيـه ربـع قطبوهـن بالألبـاس"
ويابـدّهـن بسـاعـة ٍ يذكـرنـك
يم الجزيره ومـن الهـور غطـاس
وياعقاب عقبـان المنيصـي لونـك
واستلحقن ياعقاب راسك معـه راس
لاتحسب ان الخيـل قافـي عطنـك
ارقابهن عوج لكم عقـب مـرواس
والخيل من شـان القضـى حييّللـك
وركبو عليهن مرويـة كـل عبـاس
ولـو ياخـذن مـرواس تعاودلـك
السربة الحرشاء عليها بنـي يـاس
وآآشيب عينك وان حدوهـن وجنـك
شهب النواصي فوقهن كـل مدبـاس
مثـل النجـوم الهافيـه يعجلـنـك
على الطريـح مضريـات وعـلاس
بشرقي زبار وريك يـوم اسهجنـك
راحت تدحـدر جثتـك مابهـا راس
بحذيـهـن ياعـقـاب تـودسـنـك
وراجن على قبره كريهات الاضراس
حـرارنـا ياعـقـاب تشالـقـنـك
من ضرب الاصخا يوم الارياق يباس
"هايس" على صـم الرمـك عابيلـك
بعيال شمـر مرويـة كـل مدبـاس
واحذرك عن كنعـان بشلفـا يشلـك
شلة عقاب لأبـرق الريـش فـراس
واحذر من اللـي بالقـدح غاذيلـك
قب قحـوم قمزتـه سبعـة اقيـاس
ومفيـز فـوق قشمـرة ٍ حاضيلـك
يبي القضى بهذلول بغليات الانفـاس
وزتك بوجه الشيـخ وهـو والمّلـك
بمصقل ٍ عن جثتك يجـدع الـراس
نخـاه هايـس قـال ابـي عادتلـك
وزتّه بوجه الشيـخ والخيـل قبـاس
:wd2:
وقال الشاعر مبيريك التبيناوي :
...نوت... صاحت وزجّت له اصوات
هيفـا تراهـا العـام لجّـت قطيـنـه
علـى شجـاع ٍ راح منـا للامـوات
منيـع ابـن نوبـان هـم خابريـنـه
هـذي قـروض بينـنـا يالقـرابـات
وحلـو ردّاد الجـزى قبـل حيـنـه
عقاب ٍ طريح ٍ يوم الافراس عجـلات
عزّات من طير ٍ نقـر حجـر عينـه
وحجاب ياما قال بالبيـت قـم هـات
عــزّي لـكـم يـالابـة ٍ فاقديـنـه
فـوات قبـل مدوّريـن الجـمـالات
ياليـت عقّـال العـرب حاظريـنـه
ايّـات خمسيـن تعشيّـهـم الـشـات
ضياغـم ٍ مـن زوبــع ٍ خالطيـنـه
لميتيـن خيّـال وخيـل ٍ مريـحـات
وجيش ٍ يعـزّل مـن وراهـم كمينـه
من زوبـع ٍ والا السناعيـس لافـات
ذهيـب ماعـوّد عـلـى مرتجيـنـه
ردّت عليهم شمـر ٍ عقـب الاقفـات
وغـدو بصيّـاد الحبـاري بحيـنـه
عقاب ٍ حايضه هايـس ٍ والسويـدات
واظنّـهـم بمـشـورب ٍ متهميـنـه
وشلّـه مفيـز شلّـة الذيـب للشـات
ورمــاه لـلّـي يستغـلّـه بديـنـه
يشدى مراغاة صادر الزمـل مرمـاه
امـا يسـار جـريـس والا يميـنـه
خلّـوه زينيـن الميـاحـه والاروات
ينـام سعـدون ٍ علـى حـزن عينـه
ومن هدّة القعطان فرز الوغـى فـات
مغـداه يسـار وريـك والا يميـنـه
في راي ابو بـدر ٍ زبـون البليـدات
إليا طار عـن جـرد السبايـا يقينـه
بـدر ٍ وكنعـان ٍ خـلاف الـرديّـات
حبـس ٍ لتالـي خيلـنـا ضامنيـنـه
ومن طاح خلف قطيّهن بالهوى مـات
عشّـوك ياذيـب الابـارق سميـنـه
ضياغـم ٍ ماسيّلـو عنـه لـو مـات
ولا صفّحـو عـن واحـد ٍ طالبينـه
بأيمانهـم مثـل المحـوص المـدلات
والريش من فـوق الغلـب مردفينـه
طريحهـم بالكـون مابـه مراجـات
ياكلـن حـثّـات البـراثـن وتيـنـه
بحراب يامـا سفّـرن يـم الامـوات
تـروي زبـار وريــك يادايريـنـه
بالعون عقب عقـاب هـدم ٍ للأبيـات
ولـو صيّحـن خفراتهـم عاذريـنـه
وحجاب حوالي سايـر ٍ والقـدورات
ولـد عجـوز ٍ ظنّـهـم مرمليـنـه
هـذي سوايـا سايـر ٍ بالمـثـارات
صاحت جزى ماصاحت امـه جنينـه
وحنـا طلبنـا عنـد رب السمـاوات
اللـي تراعـي بـاذر الزيـن عينـه
البوق يابن هضيـب يظهـر عقوبـات
وعسـاه ترمـي ناقلـه قبـل حينـه
ابران حسـد القلـب مابـه مـراوت
فوايهـه وصلـت لسـوق المديـنـه
وصلو على نبّيكـم عـد مـن مـات
واعـداد ماتبنـي بـيـوت ٍ قطيـنـه
وقال الشاعر رشيد بن طوعان :
عودن غزى بـس الزماميـل والخيـل
يـدور صيداتـه بغـرات الاجـنـاب
بـأول زمانـه بيّـد الكنـس الحيـل
وخبط بيمنـاه البحـر عقـب ماشـاب
ولا جت على درب الجزى والمصاويل
شيـخ ٍ ويقـدم لأول الخيـل نجـاب
عيـال الطنايـا معرّبيـن الاخـاويـل
ردّو علـى ربـع ٍ تدانـو بالانسـاب
راح النذيـر وفـزّع النـزل باللـيـل
والخيط الاسود ما جلـب فيـه الادّاب
وغشى زبار وريـك مثـل الهماليـل
ونشبت رماح القوم بقطي الاصحـاب
وترايعـو للهوش ربــع مشاكـيـل
حمّايـة الساقـات والخيـل هــراب
وتناطحـو باللغـف بحـد الغراميـل
والله ........لمصقع الحـر وعقـاب
والكل منهـم فـارس ٍ يـدّب الخيـل
ومتكاظمين مثـل ابـى زيـد وذيـاب
اولاد وايـل كنّهـم جـاري السـيـل
قدامهـم (غلبـا) ٍ يهـدّون الاصعـاب
مافوقهم كود ....الجـوخ والسراويـل
ورماح يوردن اشهب الموت بحـراب
شمر علـى قـب المهـار المشاويـل
عدّوهـم عـن لـذة النـوم مـاطـاب
يا ضبيب لو ذبحـت كـل الزماميـل
ذبحت دخيل البيت مـا تفتـح البـاب
عيّنت شيـخ ٍ واقـع ٍ بأيمـن الخيـل
شيخ ٍ عليه البيـض شقّقـن الاجيـاب
شيـخ ٍ عليـه البيـض ......بالويـل
تعاطفـن مثـل المغاتيـر الاشـبـاب
وان كان نوت تزعج الصوت بالحيـل
لعيون هيفـا نـردع الشيـخ بحجـاب
حريمهم تصـرخ صريـخ المحاحيـل
جاهن عليمن مع هلا الخيل ما طـاب
وحريمنـا لجّـن بزيـن الهلاهـيـل
وتوكدن مـن شلعـة الحـر لعقـاب
اربع ليـال(ن) مـا لقـوه المراسيـل
عليّت وجـه ٍ كـوّح الصبـح بتـراب
وانا احمد اللي بالوسـع عـدّل الميـل
وصارت عليكم يوم قدّيـت الاسبـاب
ياعقاب سلّم وعنـد وجهـك مشاكيـل
وانت القضى بهذلول عوّاق الاطـلاب
دنيـاك هـذي يالعواجـي غرابـيـل
من شق جيب الناس شقوا له اجيـاب
وقال الشاعر حسين الذنيب :
حر ٍ تنّهض من زميـل ٍ وابـى الزيـر
طلعـه طيـور ٍ بالعمـايـر عـدامـي
ادلـى بـدف وريـك عقـب المعابيـر
وفـرّق مبايـض القـطـا والحمـامـي
ادلى كما غرب ٍ علـى كوكـب البيـر
يمـا جمـع جفـل الضبـا والنعـامـي
باللغـف عـج الخيـل سـوّى عثاميـر
عـرق الايـادي مثـورات العسـامـي
وأقفـن بزوبـع كنّهـن زمّـة الحـيـر
يامـا لقوهـن مثـل جـول الادامــي
وتعـاودو مـن عقـب ماهـم مدابـيـر
بأيمانهـم حـدب ٍ تـقـص العظـامـي
قـب النعـى يابـو نـهـود ٍ مزابـيـر
علـى شجـاع ٍ طـايـح ٍ بإنخـدامـي
وارجـع لزوبـع والسناعيـس ياطيـر
كـان انـت جيعـان تـدور اللغـامـي
هايـس وكنعـان ٍ سـطـام المناعـيـر
من فـوق قـب ٍ مثـل لـون الخيامـي
مـرّن عقـاب مثـل افـام الخنـازيـر
قطـم الفخـوذ مروبعـات الهـوامـي
وإليا صاح اخو سعدى على الخيل كالزير
تركب عنـه قـب المهـور الحزامـي
عجاجة ٍ صفـرا غـدى لـه معاصيـر
تجلى عـن القلـب الصـدى والهيامـي
وغنّـن بسـايـر يالبـنـات الغنـاديـر
ســدّاد غيبتـنـا نـهـار الزحـامـي
ياعقاب سلّـم وعنـد وجهـك مساييـر
وبك القضـى ياريـف عجفـا سنامـي
غدوبـك القعطـان مـثـل المـداويـر
صريـخ عقـبـان ٍ نـهـار الكتـامـي
ويانـوت ياسيـد البـنـات الغنـاديـر
انــا بشـيـر بيوتـكـم بالـهـدامـي
واهدم (بيتت) عقـب ريـف المخاطيـر
شيـخ ٍ الـى شـاف المساييـر قامـي
وضبيب بنى (بيتت) علـى قلـة الخيـر
فـوايـه ٍ عـنـد القبـايـل تسـامـي
ذبـح المنيـع وقـودهـم للخطاطـيـر
مـن عقـب مايشبـع ببيتـه طعـامـي
قـود الشـوارب بإختـلاط المناعـيـر
باللي نـزى ياضبيـب والقبـس حامـي
جزى عجـوزٍ زهملـت هايـس ٍ خيـر
حيثـه قشـع بيـت الحريـب المقامـي
وجلى عـن الكبـد الحـدى والمساميـر
وخلّـى مخاليـج الـعـذارى تنـامـي
روائع من قصائد قديمه
العرض العادي
