محاورة بين
عايض بن حيبان
و
عبدالله المشعلي
=عايض بن حيبان
سلام الله سلام ٍٍ واضحٍ نهجه ومدلولـه=أقوله في مجالس كاسبين المجد والطاله
على عز ومعزه بالوفاء والطيب مدهوله=ينومس وضعها والناس رجليّه وخياّلـه
=عبدالله المشعلي
الا يامرحبا ترحيبة بالشكر موصولـه=بمن شرف ولاكلف على قدره ومنزاله
يابن حيبان حنا للوفا والطيب وانتوا له=ومثلك زودنا من زوده بحله وترحاله
=عايض بن حيبان
يدوم بك البقاء ياشاعر مـا ينتقـد قولـه=وله ذروة سنام العـرف بانواعـه وباشكالـه
يقولون البدو محد(ن) يشيل الجمر بحثوله=يكون اللي ورث علم الرداء من جده وخاله
=عبدالله المشعلي
عسى ربي يجملنا على الصولات والجوله=مع اللي نذكره بالخير بأقوالـه وبأفعالـه
لقيت المسردي فوقه هموم الناس محموله=يحسب انه وكيل آدم على الباقي من عياله
=عايض بن حيبان
تقوله وانت قسمك وافي (ن)عرضه مع طوله=وراعي الطيب ياخذ قسمه ويعطى على فاله
اعرف الوقفه اللي في( القداء) لجات مقبوله=وراعيهـا يقابـل بالثنـاء وتكّـرم اسبالـه
=عبدالله المشعلي
لا والله ناوي لك نيـة مـا هيـب معقولـه=ولكن الرجل يعرف خروجه قبـل مدخالـه
جوازك معك وان سافرت من دوله إلى دوله=وراك رجال الأنتر بول والشاشات شغالـه
=عايض بن حيبان
على حسب السلوم وكل حق نحضر عدوله=نجازي كل فعـل بالمثـل والـرد يثنالـه
وانا لما نزلت بديرة(ن) لوكـان منزولـه=عصى موسى تنوخ كل دجـال ودجالـه
=عبدالله المشعلي
على بيض النوايا والسلوم البيض لـك طولـه=ورجل يجزع مـن الحـق لا يقلـط بمعدالـه
وان كانك صرت مثل اللي يلف الحبل من حوله=لويناالحبل لين نحـط لـك عشريـن محبالـه
=عايض بن حيبان
يطولنا معازيب الوفاء في الوضع وحلوله=ولكن مانبي مثلك يطيح بورطة احبالـه
ومفهوم الحبايل خطة لابليـس معمولـه=عسى مانت بمعه في خطته وقفاه واقباله
=عبدالله المشعلي
ما ودي نفتـح البيبـان والبيبـان مقفولـه=وعايض صاحبي واللي على بالي على باله
مادام السالفه على الهواء للنـاس منقولـه=يصرفها اللبيب ولو يشوف الميل في جاله
=عايض بن حيبان
اقول الكلمه اللي في شهادة حق ماموله=ولاياجب يسايف بابها وش عاد قفاله
اذا رايك كذا ياطيًب الجدين وشهولـه=فتحت السوق تو الناس بياعه ودلالـه
=عبدالله المشعلي
بدون عتاب والا صحاب محفوله ومكفولـه=عفى الذاري لثر وأنشى السحاب وخيل خياله
نبي عذر سمين وكلمتيـن منـك معسولـه=وعدّ الحمل راع الحمل لا حطـه ولا شالـه
=عايض بن حيبان
تقوله بعد ماقام السنافي يضرب طبولـه=وعلى وجه البسيطه ضايق العربان طباله
الا ياصاحبي ذا العلم خله واطمر فصوله=وعن باقي العلوم اللي معك ذا خله لحاله
=عبدالله المشعلي
قلنا كبوة حصان وسالفه للناس مقيولـه=وأثر كبوة حصان إبليس من شي تغاياله
على النيات وأخذ وهات منقوضه ومفتوله=معي علم ومعك علم طفح كيله ومكيالـه[/poem]
تعليق