موقف وأبيات..

[ابوخالد]

موقف..
تحول الى ابيات..

.
.

المال له لذه الى جاك من كدح=وله لذة(ن) لاراح في سد لازم
في لازم(ن) ما ترجي في سده المدح=كله لجل لا ترتخي بك محازم
ولا يجي لبعض اللحى فقيمتك قدح=ويفيض حكاهم قطيب الملازم
ويجيك شماتك على الساقي بقدح=ينزف لسد(ن) بيحته المرازم
وتصبح صغارك في موازينهم فدح=ومامنهم اللي ينقل الحكي جازم
هي خصلتين(ن) فيهم الذم و(الردح)= في مصلحه ولا لكفو(ن) تآزم!

[أبو محمد]

كلامٍ صحيح
المال له لذه وزينة حياه 0000000ولكن أبرك الحلال 0000000هو اللي يستر الحال
صح السانك

[ابوخالد]

شكرا من الأعماق يابومحمد وماتقول الا الصحيح

[المختلف]

في لازم(ن) ما ترجي في سده المدح=كله لجل لا ترتخي بك محازم
ولا يجي لبعض اللحى فقيمتك قدح=ويفيض حكاهم قطيب الملازم
ويجيك شماتك على الساقي بقدح=ينزف لسد(ن) بيحته المرازم

صح لسانك وهنا تثبت ان القصيدة ليست بعدد الأبيات إنما با المعنى والمحراف في القافية
صح لسانك.
موفق ان شاء الله

[ابوخالد]

اقتباس: المشاركة الأصلية كتبت بواسطة المختلف     في لازم(ن) ما ترجي في سده المدح=كله لجل لا ترتخي بك محازم ولا يجي لبعض اللحى فقيمتك قدح=ويفيض حكاهم قطيب الملازم ويجيك شماتك على الساقي بقدح=ينزف لسد(ن) بيحته المرازم صح لسانك وهنا تثبت ان القصيدة ليست بعدد الأبيات إنما با المعنى والمحراف في القافية صح لسانك. موفق ان شاء الله

مرحبا بك يا المختلف..

دائما ما يرى الشاعر او الكاتب او الرسام او صاحب الموهبه بشكل عام ..

في نفسه شيئا من الانكسار او الثقه..مما يطرحه..

والجمهور هو صاحب المعيار الحقيقي..

فأما انكسار بعد ثقه او ثقة بعد انكسار..

شكرا لك يا عزيزي..

[الكاسر]

صح لسانك يابو خالد

[القحطاني]

صح لسانك يابو خالد
على هذه القصيدة الطيبة

[ابوخالد]

اقتباس: المشاركة الأصلية كتبت بواسطة الكاسر     صح لسانك يابو خالد

حياك الله يا ابوفلاح
وشاكر لك جميل تواصلك ونقاء سريرتك.

[ابوخالد]

اقتباس: المشاركة الأصلية كتبت بواسطة القحطاني     صح لسانك يابو خالد على هذه القصيدة الطيبة

ومن قال يسلم
شكرا لمرورك