كتب القصيده الشاعر ناصر شارع ال شري
عندما تعرض اخوه محمد شارع ال شري
العام الماضي
بصراحه موثره موثره واتمنا من يقرا يقرا بحساس الاخوه وبيدمع القلب
قبل العين وقولو كادي قاله
,
,
احسب احساب الليالي ولا ادري ويش بيصير= وأتوقع بعض خافي الامور وكلها
اعرف ان الوقت لازم يدور ويستدير= شجرة لابد عنها يميل ظلها
واعرف الديان لو كان ماحث المسير= لازم ياصل وكل الديار يدلها
وادري ان سود الليالي بها شر وخير=واعرف ان سيوف بقعا لابد اتسلها
ومومن بالخالق اللي على خلقه قدير= واحد في قبضته الارض وإلي حلقها
يابشير الخير عجل وبشر يابشير= علها طيحة سليمه وقلي علها
بشر الي قلبه أرق من ثوب الحرير= ينتضر زين البشاير وهو مشفي لها
الله انه يطلق الحبل من راس البعير= حلها يا عالي الشان يالله حلها
ما هقيت ان الجمل يبرك بذاك السرير= وهو لاشلت عليه الحمول يشلها
شعى قلبي شع ذود قبل علم النذير=مع مضيق نشبت ادقاقها في جلها
وقتفوها القوم بالخيل في تالي عصير= وحنت اللي عجلة بالخبيب إتلها
وقامت التسابق مفاريدها جل الفطير= طيرت بالرمي وجفالها طبع لها
ياوجودي وجد من طاح فلهيجاء كسير= وجاء بياخذ بندقه قال خصمه خلها
والتفت لخوه ليهو يقودونه اسير = صفق ايدينه وزرق الدموع يهلها
آتوجد ويتوجد معي حي الضمير= ولو يقال مقوله مستحيل ازلها
ياجمل بلغ تحياتنا الراس الكبير=أشهد كل المناصب له وكفولها
يوم حطه عاهل المملكه عضو ووزير= عارف عبد العزيز الصعاب اهل لها
قله إنا انزهمه وامرنا صعب وخطير= كبد غالينا يجوز المرض يحتلها
وقف الشريان والدم عيى لا يسير = وفزعتك يابو فهد للكبود ادوآ لها
ياذرا من لاعه البرد فالبرد الضرير= وياساتر من دورت ما لقت ستر لها
نستجير بربنا ثم بعده نستجير= فيك ياللي لاحصل مثلها عجل لها
فزعتك يا سيدي مع بني شعبك كثير= ولك دعاء من لوعته الحياه وملها
ولك دعينا بآخر الليل في الوتر الاخير=من قلوب روس اهلها فهد تاج لها
ولك دعت قحطان من نجد لوادي عسير=الصعاب الله خلق بيننا رجل لها
إعلم أنا تحت اشارتك ما ننشد شوير= فزعتك ترخص دما أروحنا جزآ لها
,
اخوكم
كادي
قصيدة معاناة و مناداة
العرض العادي
