بسم الله الرحمن الرحيم
والسلام عليكم ورحمة الله وبركاته وعيدكم مبارك وكل عام وانتم بخير واقدم لكم هذه المتواضعة واعتذر على الغياب وكل عام وانتم بخير
قال ابن عامر
قال ابن عامر عام يقبل وراء عام = والعمر يجري والنوازل حكومّه
والبعض ما يقبل عذر حبر الأقلام = وانا من اول كنت البّي لزومّه
والبعض كنت اظنه انسان مقدام = كنت احسبه له نفس مثلي رحومّه
وانا ابن شيخٍ ابيض الوجه ضرغام = معروف راع الصيت من بين قومّه
اخذت من ربعي سند لي وحزّام = وقت الشدّاد للْصقر فالجو حومّه
وانا اشهد انهم فاللقاء رمح وحسام = شجعان ما لبسوا لباس الّرخومّه
والصبر اشوفه رغم تبديد الاحلام = صاحب سمو تسمو بذاتي عزومّه
واخذت من ماضي سنيني والأيام = شوير لا يمكن تعّدى علومّه
ومن تجربة غيري تعديت الأوهام = واخذت عبره واجتنبت الخصومّه
اشوف كل النّاس من حولي اقزام = ون الثقه في بعضهم امعدومّه
الا الرجال اللي خذو دين الإسلام = نبراس في وقتٍ تهاوت نجومّه
واهل الكرم والجود ومن ياصل ارحام = واللي على الأمجاد نفسه زحومّه
والختم صلى الله على خير الأنام = وشلّت يميّن امشخصّه ابرسومّه
الشاعر : فهد عامر المالكي
قال ابن عامر عام يقبل وراء عام
العرض العادي
