جديد الشاعر:ناصر بن شارع ال شري

[ناصر بن هذال]

انا ليا شفت الدروب انحنت بي=خليتها في فالها واستمريت
عوج الدروب اللي بعد مادرت بي=قولوا لها عني تراني تعديت
سقت الركايب للسعه وادرجت بي=ويم السعه من منزل الضيق شديت
وبالعبله البيضا رضيت ورضت بي=وعلى المراغه حالف م ابني البيت
وان شفت زربان الشجر حوطت بي=على طرف زرب الهشيمه توطيت
وان كان رجلي فوقها ما وطت بي=ماهوب عيب ن لا مشيت وتخطريت
امشي وغيري مشيته جات عتبي=على طريقه حفرة ن كنها هيت
وكتابة ن ماهيب خطي وكتبي=لحروفها ماني كثير التلافيت
وان كان ميت القلوب اضحكتبي=انا ضميري حي م اعاين الميت
وان كان حسادي بهذا حكت بي=ماهمني هرج الحسد والشمماميت
طبع الفواسق تلتب الرجل لتبي=ومنها باسم رب المخاليق سميت
مطيتي بيضا الجنوب اضهرت بي=وانا على بيض المطايا تربيت
نحرتها درب السعد واسرحت بي=وفي دبرت الله رحت وفي دبرته جيت
لابركت زمر ن باهلها سرت بي=في ليلة ن مافيه كهرب ولا ليت
سويت لي عشرة بيوت ن علت بي=وشلون ولا كيف زانت وسويت

الشاعر:ناصر بن شارع بن شري

[الأمير السنافي]

	وان كـان حـسـادي بـهـذا حـكـت بــي ماهمني هـرج الحسـد والشمماميـت طبـع الفـواسـق تلـتـب الـرجـل لتـبـي ومنهـا باسـم رب المخالـيـق سمـيـت صح السانك والسان الشاعر المميز ناصر بن شارع بن شري لاهنت طال عمرك

[محمد المسردي]

صح الله لسان الشاعر

وشكرا على النقل

[مسردي و أفتخر]

صح لسانه و مشكور على النقل

[أبو محمد]

الله لا يهينك على النقل يابو يزيد
الشاعر ناصر بن شارع غني عن التعريف وياليت تنقل من قصايده او قصايد الشاعر محمد بن شارع 00000لا عدمتك

[محسن المسردي]

انـــا لـيــا شـفــت الــــدروب انـحـنــت بــــي
خــلــيــتــهــا فــــــــــي فـــالـــهــــا واســتـــمـــريـــت
عــوج الــدروب الـلـي بـعـد مـــادرت بـــي
قـــولــــوا لـــهــــا عـــنــــي تــــرانــــي تــعـــديـــت

صح لسان الشاعر المبدع ناصر بن شارع

وبيض الله وجه أبو يزيد على نشر هذه القصيدة الجزلة والرائعة

باختصار: هكذا الشعر وإلا فلا ...
تحياتي،،،
.
.

[الكاسر]

صح الله لسان الشاعر

وشكرا على النقل

[ناصر بن هذال]

يستاها ابو بندر

ومشكورين على التفاعل والاضافه.

بطلب من ابو بندر نشرت هذه القصيده والجاي افضل ونطلب منه ومن باقي الشعرا ان لا يبخلوا علينا بجديدهم.

[مسعود فهد المسردي]

الله الله

الف شكر لك يابو يزيد على نقل هذه القصيده الاكثر من رائعه

للشاعر / ناصر بن شارع وسبحان الله مع أنه مقل لقول الشعر وقليل الظهور

الا أنه لايأتي الا بالفرائد ، والنوادر من الأبيات ، ياليت يابو يزيد تجمع قصائده وتزود المنتدى بها لنستمتع معا
في قراءة شعر هذا المبدع
اكرر شكري لك يابو يزيد والله يوفقك

[ناصر بن هذال]

حياك الله ي ابوفهد.
سعدت بمرورك لاعدمتك.