ما فيه شي مفروض لو افترضنا =الا عبادة من فرض خمسة فروض
نحفظ حقوق الله عساه يحفظنا=واللي كتبه النا بالالواح محفوظ
واللي مقدّر لازمٍ يعترضنا=من خير والا شر نلقاه معروض
حنا بشر .. مهما أنتعجل ورضنا=أقصى مناهينا من الحوض للروض
عشنا وشفنا بالحياة ولحضنا=مكاسب الدنيا مقاسيم وحظوظ
ما فاتنا قلنا على الله عوضنا=وما حاشت أيدينا عن الفايت يعوض
لو انه يسلم بعضنا من بعضنا=ما نقلب الدنيا على جناح بَعوض
وين الطبيب اللي يداوي مرضنا=أوضاعنا منها أكثر الناس ممروض
وان ما فتلنا بالحبال ونقضنا=لا نقض مفتول ولا فتل منقوض
عبدالله المشعلي