كل داء وله دواء والحسد ماله دواء=ليت راعي الطب يعرف يعالج علته
المثل قال الحسد صاحبه ياكل هواء=ان جلس بين النشاما بسرعه خلته
وان حكى يشلخ ويملخ ولامنه غواء=التفت في شلته وافزعوله شلته
للنجاسه والنذاله وللخبث احتواء=والمهايط والنفاق اجتمع في حلته
لويبي يصبر عن الكذب ساعه ماقواء=برج ايفل لوتعدل ماعدل ملته
دايم يشب الحرايب سرح ولاضواء=يقدح زنود المشاكل ويمشع سلته
وان عزم حط العزيمه خشايش والتواء=مايعزم الارخوم(ن)تقدس طلته
مايبي اللي لاكذب قاله مالك لواء=يفضحه بين الجماعه ويكشف زلته
واحمد المولى جمعنا على الطاعه سواء=تسعة(ن) من طاح منا عضوده شلته
العدود مشرعه بينها عد الرواء=يوم كل عدودهم ريقهم مابلته
كل داء وله دواء والحسد ماله دواء
العرض العادي
