قدلي ليالي والفكر منشغل فيك =يا مولع ٍ قلبي مكفيه ما جاه
تدري بطيبي ما أقدر أرحل وأخليك =وتدري بحالي والحزن كيف خلاه
كنت أجهلك مدري على ويش مغليك =وكنت أحسبك شخص ٍ لقيته وبنساه
لحظه بعد غيبه تذكرت ماضيك =أثرك بقلبي حالفن ما تعداه
ما عاد يمديني ولآ عاد يمديك =شي ٍ كتبه الله والأيام تقراه
تذكر زمان العشق وأول مرابيك =أنا زماني عشق والقلب مرباه
ثورة شعر تنتابني كل مطريك =يقودها حبي والأحباب مغزاه
من هاجس ٍ يصبح ويمسي يناجيك =صرخة جفاف إحساس والوصل سقياه
أهداف وآمال وطموح ٍ يخليك =أغلى بشر باقي على الارض ممشاه
يا للأسف تبددت من تواليك =أحلام من كان الوفا شرط مبداه
لكنها القسمه تنادي وأناديك =حكم القدر والشوق للقلب مشكاه
أصل العتب كله على قلب مغليك =ولآ أنت سااااافر والهجر لآعد مناه .
يا سلاااااااااااااااااااااااااااام صح الله لسانك الحقيقه قصيده ولا أحلى مشاعر تفيض من هذا النص الشامخ وأحاسيس صادقه أخي الشامخ أتمنى لك التوفيق وأن تنال مرادك تقبل تحياتي أخوك الذيب