قبل ماابدافي قصيدي وقبل ابدا الكلام=ياسلام الله عليكم سلام المسلمين
عد من زار المدينه ومن صلى وصام=وعد ماهلت مزون رعدها له حنين
اتقدم والتحيه اقدمها شمام=للمشايخ والمناصب وكل الحاضرين
اجتمعنا لجل حاجه بغاية لهتمام=واجب يفرض علينا نجي متفاخرين
نفتخر وانقول حنا قبيله ماتضام=دامنا متكاتفين(ن)على عسر(ن) ولين
احمد الله ملتقانا يسوده لحترام=ملتقى عز ومعزه جمع دنيا ودين
ياهبوب النود هبي وغرد ياحمام=واسعفيني ياهجوسي بمدح الطيبين
الله يبيض وجيه الرياجيل الكرام=الرجال اللي مواقيفهم دايم تبين
نكرم اهل العلم والعلم جلاي الظلام=حاجة مايختلف في منافعها ثنين
من تعب يستاهل المدح ويقلد وسام=فكره ياطيبها من رجال(ن) غانمين
كم دول من سبة العلم تمشي للامام=باالجهود وبالتكاتف وفكر المبدعين
والجهل يهدم دول لين يجعلها حطام=كم دول راحت والاسباب ناس(ن) جاهلين
كل من ساهم وشارك لهم مني سلام=عد دورات الليالي ودورات السنين
قصيده قلتها بمناسبة ملتقى قبيلة المسارده
العرض العادي
