( الفقيده ) فايز المسردي

الذيب2010

(هذه القصيده قلتها عندما علمت بوفاةخويي وزميلي الشاعر صالح محمد مسفر الشناني وهو ابن الشاعر المشهور محمد مسفر الشناني)

خاويتلي رجال بألفين رجال = وأنا أشهد انه في زمانه وليده
أبوه شاعر جزل وبيوته اجزال = وهو بعد شاعر يحبك القصيده
نسل الحباب مجربينن بالأفعال = أهل الكرم وأهل العلوم الحميده
رجالهم ينطح ثمانين خيال = ورجالهم قرمن وقلبه حديده
وأمدح بني شنان فرسان وأبطال = أهل الوفاوأهل الصفات المجيده
قومن لهم في موقع المجد منزال = منزالهم بين النجوم الفريده
والمسردي غناوشانت به الحال = من يوم صالح راح وأصبح فقيده
مرحوم ياصالح وتفداك الأنذال = ويفداك شيخن صورته في الجريده
شيخن ترى شيخته تشرى بالأموال = ماهي على ساسن ولاهي بأكيده
أناأشهد انك وارثن طيب وخصال = اخصال عودن حايز الطيب بيده
يا الله عسى في الخلد تلقى لك ظلال = في جنتن تحيا حياتن سعيده
وختامها مرحوم يانسل الأبطال = هذا كلام المسردي من عبيده

(الشاعر/فايز بن سالم أبو زوير المسردي)

فذكر..! · 07 / 12 / 2010, 26 : 12 AM

صــــــــــــــــــــــح لـــــــســــانك

أبو محمد · 07 / 12 / 2010, 18 : 01 AM

صح السانك 0000000000000000000000قضيده رثاء
الله يرحم الشناني ويغفر له 00000000000أنتهت الخوه وبقي الوفاء

الأمير السنافي · 07 / 12 / 2010, 31 : 01 AM

الذيب 2010
الله يطول عمرك ونشكرك على هذي
الكلمات التي تجسد الوفاء والطيب
منك الله يغفر للميت وانت الله
يحفضك من كل شر تقبل
تحياتي لك

الذيب2010 · 07 / 12 / 2010, 31 : 11 AM

الاخ فذكر والاخ ابو محمد والاخ الامير السنافي اشكركم شكر جزيل على المرور على القصيده ولا هنتم على كل حال ولكني اطلب من الاخوه المسؤلين عن تنسيق القصايد ان ينسقو لي القصيده لعدم معرفتي التامه بتنسيق القصايد وهذا السبب الوحيد لعدم تنزيلي قصائد جديده هذا وتقبلو احترامي وتقديري اخوكم الذيب