ياسقاها الله ايام ن خلت//يومك صغير وانا توي صغير
يوم خطرنا عن الدنيا سلت//مانحسب حساب والدنيا بخير
همنا نلعب ونلعب لو علت// شمس صبح الله لاعقب العصير
من برائتنا ترى ياما حصلت//موقف ن يضحك ويبكينا كثير
كم وكم مره واياك انتقلت //في البلد اخوان والصحرا قصير
آتذكر والدك يومك وصلت//حطك بـ بشته من البرد الظرير
حينها حسيت دمعاتي نزلت//لان مالي بشت صد الزمهرير
خلنا من الحزن..وش قلنا وقلت//يوم رحت لـ نجد وحنا في عسير
في الرياض تقول يوم انك وصلت//لبسوك انعال خيل ن ياخطير!
صدق صدقتك وعنها ماسئلت//كذبت ن بيضا وراحت بالاثير
ولا انا من قبل ماقالوا رحلت//قال لي واحد من اخواني كبير
اتروح الرياض؟انت انهبلت؟؟//والله مابه ما يشرب ياغرير
استرح معنا ..وانا طبعا فعلت//واثرها ضحكه على الطفل الفقير!
بعدها قالوا لي اخواني جهلت//في الرياض انهار من ماء وعصير!!
ومن درسنا ما اذكر انك قد زعلت//الا مره ومالها داعي تغير؟
لان نتايجنا بعد ما فصلت//صرت الاول وانت بعدي مو الاخير!
والعسل.. له سالفه بعد انجلت//افتضحنا عند أهلنا والمدير
كم سنه راحت وراحت واقبلت//من سرع الايام نحسبها تطير
حضرتك ضابط وانا قبلك عملت//شركة البترول صارت لي مصير
والحكايه يمكن انها كملت//بس باقي لي صداها في الضمير
جاتني الذكرى معك يوم اتصلت//تسال شلوني عسى حالك بخير
صح اللة لسانك يابو هذال وانت شكلك تبي تهيضنا وتجعلنا نكتب في ايام الطفولة وذكرياتها صراحة عشت جو القصيدة ولا هنت يابو هذال اسمح لي اطلق عليك لقب الا وهو فارس الشعر وهذا تقديرا واحتراما مني لك تقبل تحياتي يا فارس الشعر وفالك التوفيق اخوك الذيب
"آتذكر" اهداء الى صديق الطفوله..
العرض العادي
