يا الله جيتك و ذنبي متعبٍ(ن) حالي

[صوت وصدى]

[frame="1 98"][align=center]كلمات
بدر الضبعان





يا الله جيتك و ذنبي متعبٍ(ن) حالي
عبدك رجا رحمتك كفر لـه ذنوبـه
انت الذي لا إله إلا انـت ياالعالـي
انت الذي تهدي اللي ضـل بدروبـه
مريت انا بالحياة و زينهـا البالـي
و اصبحت لابليس و اهل الغي ألعوبه
و أحيان ياالله عقب موتٍ و اذلالـي
تبعـت سنـة نبـي الله محبـوبـه
يا سيدي من قبل قصـاف الآجالـي
يسر دروب العفو يـا قابـل التوبـه
ياالغافر المعطي يالتـواب ياالوالـي
تقبل ضعيفٍ ذليلٍ(ن) كثرت عيوبـه
خليت لاجلك نعيمٍ(ن) كان يحلالـي
بدلتها بجنـتٍ(ن) ياحلـو مشروبـه
ابيك ترضى علي وتغفـر اعمالـي
يوم ان اهل الكفـر بالنـار مكبوبـه
يوم الفضيحه ويومٍ(ن) فيه الاهوالـي
تشوف كل الخلايق منـه مرعوبـه
ياالله تغفر خطاي وترحـم الحالـي
عبدٍ(ن) ضعيف تعب من كثرة ذنوبه
لـو دار وقتـي علـي ولاتهيـالـي
تبقى لي الغافر اللـي يقبـل التوبـه [/align][/frame]

[هذال آل الشوافه]

صوت وصدى برافو عليك يامبدع أحسنت الأختيار......

[صوت وصدى]

اشكر مرورك يا بو عايض...ويشرفني

[الصريح]

اختيار طيب ياصوت وصدى
وصاحب القصيده شكله كان مخربها اكثر من اللازم ويبي العافيه
الله يغفرله ولنا جميعا
تقبل مروري ولك مني

اطيب المنى,

[سلطان]

صوت وصدى
صح السانك وذووقك الراقي
اختيار رائع الله يعطيك العافيه يا بوسعد

[صوت وصدى]

اختيار طيب ياصوت وصدى
وصاحب القصيده شكله كان مخربها اكثر من اللازم ويبي العافيه
الله يغفرله ولنا جميعا
تقبل مروري ولك مني

اطيب المنى,

اشكر مرورك صديقي العزيز الصريح
وصدقت في كلامك... كم واحداً تركنا صحبتة لانه مخربها مع نفسه .. نسأل الله الهداية للجميع

اشكرك اخي الغالي ابو زايد .. على تعليقك الجميل